Norðurlönd 2025 – sameinuð og sterk

Titill formennskuáætlunar Finnlands og Álandseyja í Norrænu ráðherranefndinni er Norðurlönd 2025 – sameinuð og sterk. Grundvöllur formennskuáætlunarinnar er að styðja sameiginlega framtíðarsýn okkar um að Norðurlönd verði orðin sjálfbærasta og samþættasta svæði heims árið 2030. Finnland og Álandseyjar leggja einnig sérstaka áherslu á að efla samfélagsöryggi. Markmið formennskuáætlunarinnar er að efla viðnámsþrótt norrænu landanna enn frekar og að stuðla að altækum og umfangsmiklum viðbúnaði við háska af ýmsum toga og fjölþátta ógnum. Börn og ungmenni eru önnur þungamiðja í formennskuáætluninni. Að stuðla að frjálsri för og samþættingu milli norrænu landanna er einnig mikilvægt markmið fyrir Finnland og Álandseyjar. Á formennskuárinu verður auk þess unnið að samkeppnishæfni Norðurlanda með því að efla samstarf innan sviða á borð við nýsköpun og sjálfbærar lausnir.