1989 Dag Solstad, Noregur: Roman 1987

Dag Solstad er einn þeirra fjölmörgu listamanna af þeirri kynslóð sem sagan lýsir og tóku virkan þátt í marx-lenínísku sellustarfi á yngri árum. Hann er fæddur í Sandefjord í Suður-Noregi og býr nú ýmist í Ósló eða Berlín. Skáldsögur sínar skrifar hann oft í flóknum módernískum stíl en á þó til að bregða fyrir sig einfaldari stíl. Meðal frumlegri verka Solstads eru bókmenntalegar lýsingar frá heimsmeistarakeppninni í fótbolta en einnig má nefna fjölda ritgerða og blaðagreina.

Roman 1987 er skáldsaga en að forminu til er hún innra eintal og fjallar um líf og hlutskipti einnar kynslóðar á 7. og 8. áratug síðustu aldar. Þar rifjar höfundur upp sannfæringarkraftinn í pólitísku flokksstarfi, mótmælagöngur, áróður á verksmiðjugólfinu, kommúnulíf, sjálfboðastörf, hjónabönd, skilnaði, ný sambönd - svo eitthvað sé nefnt. Frá öllu þessu er sagt af mildri hæðni. Solstad leit þó ekki þannig á að hann hefði skrifað játningarbókmenntir úr víglínunni, markmið hans var öllu fremur að lýsa örlögum heillar kynslóðar.

Roman 1987

Útgáfa: Forlaget Oktober 

Útgáfuár: 1987

Í liprum texta lýsir Dag Solstad af hæðni, léttleika og samkennd afdrifum 1968-kynslóðarinnar, mistökum hennar og örlögum í norskum smábæ.