Staðreyndir um Norðurlönd

Danmörk liggur syðst Norðurlandanna. Landið sem er lítið samanstendur af mörgum eyjum, það er þéttbýlt og umkringt yndislegum ströndum.

Stöðuvötn og skógar setja svip sinn á víðerni Finnlands. Finnland er einnig þekkt fyrir farsíma, Múmínálfa og hönnun.

Í norðarlegu Atlantshafi rís eldfjallaeyjan Ísland úr sæ með heitum hverum og stórbrotinni náttúru.

Olía og fjöll er það sem margir tengja við Noreg. Ægifögur og stórbrotin náttúra teygir sig frá ströndum og klettum í suðri yfir víðáttumikið miðhálendið í miðnætursólina á Norðurkollu.

Svíþjóð er stærst Norðurlandanna og jafnframt fjölmennast. Í hugum margra er Svíþjóð tengd framleiðslu gæðabíla, járns og stáls.

Sjávarútvegur og óvægin náttúra einkenna Færeyjar, sem eru eyjaklasi í Norður-Atlantshafi.

Íbúar Grænlands komu upprunalega frá Mið-Asíu. Grænland tilheyrir heimsálfunni Norður-Ameríku, en frá landfræðipólitískum sjónarhóli er eyjan hluti af Evrópu.

Álandseyjarnar eru 6.757 talsins og liggja milli Svíþjóðar og Finnlands. Álendingar tala sænsku, en Álandseyjar eru hluti af Finnlandi.