Fundur fólksins 2023: Sjálfbært fæðuval fyrir heilsuna og umhverfið – tækifæri til framtíðar
Upplýsingar
Fundur fólksins
Norræna húsið
Reykjavík
Ísland
Norrænu næringarráðleggingarnar eru afrakstur fimm ára vinnu þar sem um 400 vísindamenn frá ýmsum fræðasviðum tóku þátt. Skýrslan er ein sú mest lesna, af þeim sem gefnar eru út af Norrænu samstarfi, og leggur grunninn að innlendum leiðbeiningum um mataræði á Norðurlöndum og í Eystrasaltsríkjunum. Inga Þórsdóttir, prófessor í næringarfræði og einn skýrsluhöfunda, mun kynna ráðleggingarnar og fjalla um hvernig mataræðið getur samtímis stuðlað að heilbrigðum líkama og heilbrigðu umhverfi.
Þar sem ráðleggingarnar kalla á aukna neyslu af grænmeti og korni munum við einnig varpa ljósi á innlenda framleiðslu þessara fæðuflokka – en sem stendur geta íslenskir bændur ræktað um 43% grænmetis og 1% korns sem neytt er í landinu. Michael Lyngkjær, plöntusérfræðingur hjá Norrænu erfðaauðlindamiðstöðinnni (NordGen) mun flytja erindi um þau tækifæri sem liggja í aukinni og fjölbreyttari grænmetis- og kornræktun á Íslandi
Þátttakendur:
- Inga Þórsdóttir, prófessor í næringarfræði við Háskóla Íslands
- Michael Lyngkjær, plöntusérfræðingur hjá Norrænu erfðaauðlindamiðstöðinnni (NordGen)
- Emily Jaimes Richey-Stavrand, hringrásarhagkerfisfulltrúi Ungra umhverfissinna
Fundarstjóri:
- Bryndís Eva Birgisdóttir, prófessor í næringarfræði við Háskóla Íslands.