Ann Linde er nýr samstarfsráðherra í Svíþjóð
Photographer
Kristian Pohl / Regeringskansliet
Ann Linde úr flokki sósíaldemókrata hefur verið skipuð nýr samstarfsráðherra Norðurlanda í Svíþjóð. Hún var útnefnd á mánudaginn um leið og Stefan Löfven kynnti nýja ríkisstjórn sína.
Ann Linde var viðskipta- og Evrópusambandsráðherra á fyrra ráðherratímabili sínu. Hún varð ráðherra á miðju kjörtímabili í maí 2016.
Í nýrri ríkisstjórn Svíþjóðar verður Ann Linde áfram viðskiptaráðherra en ber auk þess ábyrgð á norrænu samstarfi. Á fyrra kjörtímabilinu bar Margot Wallström ábyrgð á Norðurlandamálunum.
Ann Linde er fædd 1961 og er með meistarapróf í stjórnmála-, félags- og þjóðhagfræði frá háskólanum í Stokkholmi. Hún hefur í áraraðir starfað að Evrópusambandsmálum og alþjóðlegum málefnum í flokki sósíaldemókrata.
Áður en Ann Linde varð ráðherra var hún ráðuneytisstjóri hjá þáverandi innanríkisráðherra, Anders Ygeman.