Kaup á vörum og þjónustu á Íslandi

Unge kvinder med telefoner
Ljósmyndari
Benjamin Suomela / Norden.org
Hér eru ýmsar hagnýtar upplýsingar varðandi kaup á vörum og þjónustu á Íslandi.

Við búsetu á Íslandi í lengri eða skemmri tíma er nauðsynlegt að vera með íslenska kennitölu. Hún er meðal annars notuð þegar skrifað er undir þjónustusamninga við fyrirtæki, til dæmis símafyrirtæki, við opnun bankareiknings, umsókn um bókasafnsskírteini og jafnvel þegar leigð er mynd á myndbandaleigu. Kennitala fæst með því að skrá aðsetur eða lögheimili hjá  Þjóðskrá.

Rétt er að hafa í huga að Ísland tilheyrir ekki Evrópusambandinu og því er ekki tollfrelsi milli Evrópulanda og Íslands. Þannig þarf til að mynda að greiða toll af vörum sem keyptar eru frá Norðurlöndum.

Útvarps- og sjónvarpsáskrift 

Útvarpsgjald er sérstakt gjald sem ríkisskattstjóri leggur á samhliða álagningu opinberra gjalda. Það leggst jafnt á alla einstaklinga óháð tekjum eða eignum. Útvarpsgjaldið er greitt árlega og rennur það til ríkisins. Undanþegnir gjaldinu eru þeir sem eru 70 ára og eldri, svo og elli- örorkulífeyrisþegar sem dvelja á dvalar- og hjúkrunarheimilum. 

Farsímaáskrift

Unnt er að kaupa símakort fyrir farsíma sem er með inneign sem hlaðin er handvirkt. Ekki þarf kennitölu fyrir þá tegund símakorta. Til að skrá farsíma í áskrift þarf viðkomandi að vera með íslenska kennitölu.

Rafmagn, vatn og hiti 

Heitt og kalt vatn ásamt rafmagni eiga að vera til staðar í öllu íbúðarhúsnæði og er húsnæði á Íslandi hitað upp með heitu vatni eða rafmagni.

Skrifstofur sveitarfélaga geta gefið upplýsingar um fyrirtæki sem selja rafmagn og heitt vatn í viðkomandi sveitarfélagi. 

Spurning til Info Norden

Ef þú ert með spurningu skaltu fylla út eyðublaðið hérna:

ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.

Info Norden er upplýsingaþjónusta Norrænu ráðherranefndarinnar. Við gefum upplýsingar til fólks sem vill flytja, vinna, stunda nám, leita styrkjum eða hefja rekstur í öðru norrænu landi.
Leitaðu að skrifstofu Info Norden hérna