Einkatryggingar á Íslandi

Lögbundnar tryggingar

Sumar tegundir trygginga eru lögbundnar á Íslandi. 

• Lögboðin öku­tækja­trygg­ing inni­felur ann­ars vegar ábyrgðartrygg­ingu og hins vegar slysa­trygg­ingu öku­manns og eig­anda.
• Bruna­trygg­ing hús­eigna er lögboðin trygg­ing sem bætir tjón á hús­eign af völdum eldsvoða.
• Lögbundin viðlagatrygging bætir tjón sem verður af náttúruhamförum: snjóflóðum, jarðskjálftum, eldgosum, vatnsflóðum og skriðuföllum.

Algengar tryggingar

Tryggingafélög veita nánari upplýsingar um þær tryggingar sem þau bjóða upp á. Skilmálar tryggingafélaga geta verið ólíkir og því mikilvægt að skoða vel í hverju tryggingarnar felast og gera reglulega samanburð á milli félaga. Börn eru tryggð í gegnum tryggingar foreldra sinna til 18 ára aldurs. 

Sem dæmi um algengar tryggingar má nefna:

• Heimilistrygging tekur á skaða sem verður á eigum inn á heimili og er yfirleitt skilgreind út frá upphæð tryggingar.
• Kaskótrygging bætir tjón sem þú veldur á þínu eigin ökutæki.
• Líftrygging er greidd út ef andlát þitt ber að og er greidd til dánarbús þíns. Upphæðin er eftir samning.
• Sjúkdómatrygging kemur sér vel ef vinnutap verður vegna alvarlegra veikinda og er uppæðin eftir samning.

Allar nánari upplýsingar má finna á heimasíðum tryggingafélaga.