Menntun, rannsóknir og stafræn þróun á Norðurlöndum
Menntunarstig
Menntunarstig Norðurlandabúa er meðal þess sem best gerist í heiminum. Algengt er að meta menntunarstig út frá hlutfalli íbúa á aldrinum 30-34 ára sem er með framhaldsmenntun sem efsta menntunarstig. Öll Norðurlönd eru fyrir ofan meðaltal ESB og Noregur er þar í efsta sæti.
Framhaldsmenntun. 2021. Hlutfall fólks á aldrinum 30-34 ára
Rannsóknir og þróun
Þekking byggð á vísindum skiptir sköpum fyrir sjálfbæra þróun á öllum sviðum samfélagsins, hún stuðlar að grænum umskiptum, þróun samkeppnishæfni og félagslega sjálfbærum samfélögum. Háþróað norrænt rannsóknarsamstarf eykur gæði rannsókna og áhrif þeirra. Í Svíþjóð er nú mestu fjármagni varið til rannsókna og þróunar á Norðurlöndum miðað við verga þjóðarframleiðslu.
Útgjöld til rannsókna og þróunar. 2020. Hlutfall af vergri þjóðarframleiðslu
Netaðgangur
Norðurlönd eru í fararbroddi á sviði stafrænnar væðingar og er netaðgangur á heimilum næstum 100 prósent í flestum landanna.
Netaðgangur á heimilum. Hlutfall
Frekari upplýsingar um menntun, rannsóknir og stafræna væðingu
Í Norræna tölfræðigagnagrunninum er að finna tölfræði um menntun, rannsóknir og stafræna væðingu.
Einnig má finna greiningar og úttektir hjá, Norræna rannsóknarráðinu,NordForsk.
Í State of the Nordic Region má finna greiningar, tölur og tölfræðigögn um samfélög Norðurlanda út frá norrænu sjónarhorni.