Norðurlandaráð virðir afstöðu Gretu Thunberg
Hans Wallmark, forseti Norðurlandaráðs
Sú hreyfing sem Greta Thunberg er í forsvari fyrir hefur áhrif á og er hvatning fyrir heila kynslóð. Það er virðingarvert. Við ættum öll, ekki aðeins innan norræna samstarfsins, að hlusta á rödd hennar og annarra sem krefjast aðgerða.
Að sögn Wallmarks mun Norðurlandaráð nú athuga vandlega hvað gert verði við verðlaunaféð sem nemur 350 þúsundum danskra króna.
Verðlaunahátíð Norðurlandaráðs var haldin í tónleikahúsinu Konserthuset í Stokkhólmi þriðjudaginn 29. október. Í þakkarræðunni, sem tveir aðgerðasinnar í loftslagsmálum fluttu fyrir hönd Gretu þar sem hún er stödd í Kaliforníu, sagði hún það heiður að hafa hlotið verðlaunin en að hún gæti ekki þegið þau:
„Ég vil þakka Norðurlandaráði fyrir þessa viðurkenningu. Þetta er mikill heiður. En loftslagshreyfingin þarf ekki á fleiri verðlaunum að halda. Það sem við þurfum er að valdhafar og stjórnmálafólk hlusti á það sem vísindin hafa fram að færa.“
