Arendalsvikan 2021: Fjórar hættur á norrænum vinnumarkaði

Hvaða áskoranir þarf að takast á við á vinnumarkaði framtíðar? Við vitum talsvert mikið um áhættuþættina.

Þess vegna bjóðum við aðilum vinnumarkaðarins og stjórnmálafólki að svara því hvernig þau vilja þróa norræna vinnumarkaðslíkanið og styrkja það.

Sérfræðingarnir í Future of Work-verkefninu hjá Fafo sem fjármagnað er af Norrænu ráðherranefndinni hafa rannsakað framtíð vinnumarkaðar á Norðurlöndum í fjögur ár. Hversu traust er norræna vinnumarkaðslíkanið? Munum við geta skapað nægilega mörg störf í framtíðinni og hvernig eigum við að tryggja að við séum með rétta hæfni til þess að takast á við þessi störf? Og hvernig tökum við á vaxandi mun milli fólks með há laun og lág laun?

Heimsfaraldurinn hefur fjölgað áskorunum og hraðað stafrænni þróun starfa og ýtt undir breytingar á starfsháttum. Hverjar verða afleiðingarnar af því?

Sérfræðingarnir hafa skilgreint fjórar helstu áskoranir í norrænu atvinnulífi til framtíðar:

• Hætta á skorti á vinnuafli
• Hætta á skorti á störfum
• Hætta á þekkingargjá og að miklar kröfur verði gerðar til þeirra sem sækja um störf
• Hætta á ójöfnuði og félagslegri einangrun

Nú látum við aðila vinnumarkaðarins og stjórnmálafólkið svara því hvernig eigi að leysa þetta.

Kynning

• Kristin Alsos, rannsóknarstjóri Fafo

Umræður

• LO (norska alþýðusambandið)
• NHO (samtök atvinnurekenda í Noregi)
• Torbjørn Røe Isaksen, vinnumálaráðherra, H 
• Dag Terje Andersen, Ap

 
Fundarstjóri: Anne Mette Ødegaard, Fafo