Rafræn skilríki á Íslandi

Allir þeir sem hyggjast nýta sér þjónustu netbanka þurfa að hafa rafræn skilríki. Með rafrænum skilríkjum geturðu sýnt fram á hver þú ert og undirritað samninga og greiðslur hjá yfirvöldum og fyrirtækjum og staðfest hvert þú ert eða kaup þín með lykilorði. Það þarf að sækja um þau sérstaklega. 

Rafræn skilríki eru persónuskilríki sem notuð eru í rafrænum heimi. Það að auðkenna sig með rafrænum skilríkjum á netinu jafngildir því að framvísa persónuskilríkjum. Rafræn skilríki er hægt að nota til fullgildrar undirritunar og jafngildir hún eigin undirritun.

Í bönkum, sparisjóðum og hjá Auðkenni. Hægt er að fá rafræn skilríki í síma og í snjallkort. Ef þú ætlar að útvega rafræn skilríki á síma kannarðu hvort símkortið þitt styður rafræn skilríki. Ef ekki getur þú útvegað slíkt kort hjá þínu símafyrirtæki. Þú ferð svo í banka, sparisjóð eða til Auðkennis og færð rafræn skilríki þar. Þegar sótt er um rafræn skilríki þarf ávallt að hafa með gilt ökuskírteini, vegabréf eða nafnskírteini með mynd.

Þú getur notað skilríkin til auðkenningar og fullgildrar undirritunar. Nú þegar bjóða flestar opinberar stofnanir og sveitarfélög upp á innskráningu á þjónustusíður með rafrænum skilríkjum, sem og allir bankar, sparisjóðir og fleiri. 

Allar frekari upplýsingar má nálgast á heimasíðu Skilríkja.