Fjárhagsaðstoð á Íslandi

Hvert sveitarfélag setur sér reglur um fjárhagsaðstoð sem byggja á lögum um félagsþjónustu sveitarfélaga. Allir sem eru með lögheimili í sveitarfélaginu geta sótt um fjárhagsaðstoð.  Umsókn um fjárhagsaðstoð skal leggja fram í lögheimilissveitarfélagi. Þurfi fólk á skyndilegri aðstoð að halda í dvalarsveitarfélagi er skylt að veita tímabundna aðstoð. Skal um það haft samráð við lögheimilissveitarfélag og aðstoð metin og veitt í samræmi við reglur þess. Lögheimilissveitarfélag endurgreiðir dvalarsveitarfélagi kostnaðinn, sbr. lögum um félagsþjónustu sveitarfélaga.

Áður en sótt er um fjárhagsaðstoð til sveitarfélagsins þarf að vera búið að kanna rétt til aðstoðar í öðrum kerfum eins og t.d. atvinnuleysisbætur, sjúkrasjóðum, lífeyrissjóðum og hjá Tryggingastofnun. Ef umsækjandi á ekki rétt á aðstoð í öðrum kerfum getur hann sótt um fjárhagsaðstoð til sveitarfélagsins. Fjárhagsaðstoð skiptist í framfærslustyrk og heimildargreiðslur. Framfærsla tekur mið af grunnfjárhæð sem er ákvörðuð af hverju sveitarfélagi og ef tekjur umsækjanda eru undir þeirri fjárhæð á viðkomandi rétt á fjárhagsaðstoð. Einnig getur umsækjandi sótt um heilmildargreiðslur vegna barna, tannlækninga, stofnun heimilis, sérfræðiaðstoð og fleira.

Viðkomandi þarf að hafa lögheimili í sveitarfélagi og ekki eiga rétt á félagslegri aðstoð í öðrum kerfum. Fjárhagsaðstoð skal alla jafna vera greidd einn mánuð í senn og skulu ákvarðanir um aðstoð að jafnaði ekki ná yfir lengra tímabil en þrjá mánuði. Þegar umsækjandi fær jafnframt bætur frá Tryggingastofnun ríkisins og ljóst er að aðstæður hans munu ekki breytast, er heimilt að samþykkja aðstoð í sex mánuði í senn. Aðstæður þeirra sem fengið hafa fjárhagsaðstoð lengur en þrjá mánuði skulu kannaðar sérstaklega, félagsleg ráðgjöf veitt í samræmi við lög um félagsþjónustu sveitarfélaga og skal viðkomandi bent á að leita sér aðstoðar umboðsmanns skuldara. Í undantekningartilvikum er heimilt að veita fjárhagsaðstoð vikulega vegna sérstakra aðstæðna.

Grunnfjárhæð er mismunandi eftir sveitarfélögum. Hér er hægt að sjá grunnfjárhæð fjárhagsaðstoðar í Reykjavík, en hún er mismunandi eftir því hvort fjárhagsaðstoðin sé veitt til einstaklings eða hjóna/fólks í sambúð.

Þú leggur inn umsókn til félagsþjónustunnar í því sveitarfélagi sem þú ert með lögheimili.

Nei, þú þarft að sækja formlega um fjárhagsaðstoð og vera búinn að kanna rétt þinn í öðrum kerfum áður en þú sækir um fjárhagsaðstoð til sveitarfélagsins.

Nei, skilyrði er að vera með lögheimili á Íslandi til að geta sótt um fjárhagsaðstoð til sveitarfélaga.

Nánari upplýsingar er að finna á heimasíðu Sambands íslenskra sveitarfélaga. Einnig er hægt að fá upplýsingar símleiðis hjá þjónusturáðgjafa í síma (+354) 5154900.