Bankar í Svíþjóð

Bank i Sverige
Svona stofnar þú bankareikning í Svíþjóð, tekur lán eða yfirfærir pening á milli landa.

Stofna bankareikning

Þú getur stofnað bankareikning í Svíþjóð með því að framvísa gildum persónuskilríkjum svo bankinn geti gengið úr skugga um hver þú ert. Bankinn getur ekki krafist þess að þú sért með sænska kennitölu eða heimilisfang í Svíþjóð. Auk bankareiknings áttu rétt á debetkorti til þess að greiða með, taka út peninga og framkvæma greiðslur á netinu. Þetta er sú greiðsluþjónusta sem yfirleitt er í boði í netbönkum.

Ef þú átt sænskt ökuskírteini, nafnskírteini útgefið af sænskum yfirvöldum eða staðfest nafnskírteini þarftu að framvísa því svo bankinn geti gengið úr skugga um hver þú ert.

Ef þú átt ekki sænsk persónuskilríki getur bankinn gengið úr skugga hver þú ert ef þú ert með vegabréf eða önnur opinber skjöl sem staðfesta ríkisfang þitt.

Ef þú átt engin persónuskilríki getur bankinn samt sem áður gengið úr skugga um hver þú ert með öðrum áreiðanlegum skjölum og öðru eftirliti í samræmi við verkferla bankans í ferlum sem fela í sér áhættu.

Ef bankinn synjar þér um reikning geturðu leitað til kvörtunardeildar bankans og farið fram á að ákvörðunin verði endurskoðuð.

Sumir bankar eru með sérstaka reikninga fyrir einstaklinga sem sækja vinnu yfir landamæri innan Norðurlandanna.

Yfirfærslur milli landa

Sömu reglur og verðskrá gilda um yfirfærslur og greiðslur innan ESB og EES (Ísland og Noregur) og innan Svíþjóðar ef greitt er í evrum eða sænskum krónum.

Neytendur ættu að kanna hvernig millifærslu þeir ættu að velja og hvað hún kostar.

  • Notaðu alltaf netbankann til þess að komast hjá frekari þjónustugjöldum.
  • BIC og IBAN/SWIFT eru kóðar sem notaðir eru til að greina bankareikninga og bankastofnanir í millilandagreiðslum.
  • Ef þú ætlar að yfirfæra peninga milli landa er ráðlegt að þú veljir ESB-greiðslu.
  • ESB-greiðslur byggjast á því að greiðandi og viðtakandi greiðslu skipta með sér kostnaði við greiðsluþjónustuna. Hægt er að gera undantekningu þegar skipt er á milli gjaldmiðla.
  • Kannaðu hvaða greiðslu bankinn innheimtir fyrir millifærsluna.

Nafnskírteini og rafræn skilríki

Hjá sumum bönkum í Svíþjóð er hægt að sækja um nafnskírteini og rafræn skilríki. Með rafræn skilríkjum geturðu sýnt fram á hver þú ert og undirritað samninga og greiðslur hjá yfirvöldum og fyrirtækjum og staðfest hvert þú ert eða kaup þín með lykilorði.

Þegar þú flytur til Svíþjóðar skaltu sækja um sænskt nafnskírteini hjá skattstjóra. Í Svíþjóð er nafnskírteini notað við ýmsar aðstæður í daglegu lífi fólks.

Lánshæfi og lán

Þegar þú sækir um lán á lánveitandinn að gera lánshæfismat áður en hann ákveður hvort lántakandi fullnægir fjárhagsleg skilyrði til þess að greiða vexti og afborganir af láninu. Bankinn metur greiðslugetu þína út frá fullnægjandi upplýsingum um fjárhagsaðstæður þínar.

Bankar geta ekki kannað lánshæfi yfir landamæri á Norðurlöndum. Bankar í Svíþjóð geta einungis fengið upplýsingar um aðstæður í Svíþjóð.

Ef þú starfar í öðru landi getur bankinn ekki sannreynt að þú hafir tekjur og því þarftu að sanna það á annan hátt, til dæmis með því að framvísa skjölum sem sýna tekjur viðkomandi, til dæmis ráðningarsamning, launaseðla eða þess háttar.

Húsnæðislán

Á heimasíðum bankanna eru reiknivélar sem auðvelda þér að áætla mánaðarlega hámarksgreiðslugetu þegar þú sækir um húsnæðislán. Konsumenternas Bank- och Finansbyrå eru líka með reiknivél fyrir húsnæðislán, Bolånekalkyl, sem þú getur notað þegar þú ætlar að kaupa húsnæði.

Það getur verið torsótt að fá lán til kaupa á húsnæði í öðru landi. Sumir bankar vilja ekki veita lán til kaupa á erlendum fasteignum eða til einstaklinga sem búa eða starfa í öðru landi en þar sem bankinn starfar.

Neytendalán

Bankarnir ákveða sjálfir skilyrði fyrir útlánum. Þeim er ekki heimilt að mismuna ESB/EES-ríkisborgurum á grundvelli þjóðernis.

Samband við yfirvöld
Spurning til Info Norden

Ef þú ert með spurningu skaltu fylla út eyðublaðið hérna:

ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.

Info Norden er upplýsingaþjónusta Norrænu ráðherranefndarinnar. Við gefum upplýsingar til fólks sem vill flytja, vinna, stunda nám, leita styrkjum eða hefja rekstur í öðru norrænu landi.
Leitaðu að skrifstofu Info Norden hérna