Einkatryggingar í Svíþjóð
Ýmsar tegundir trygginga
Sú áhætta er alltaf til staðar að eigur geti eyðilagst og fólk orðið fyrir skaða. Þess vegna velja margir að kaupa sér tryggingu til þess að búa við aukið öryggi.
Verð á tryggingum er breytilegt eftir því hvernig trygginginu er þörf á og hversu mikið á að tryggja. Gott er að taka mið af því hvernig áhættuþættir eru til staðar og bera saman kostnað við trygginguna sjálfa og þann kostnað sem slys eða skaði myndi valda.
Hér er yfirlit yfir tryggingar í Svíþjóð.
Bifreiðatryggingar
Bifreiðatryggingar eru skyldubundnar í Svíþjóð
Innbústrygging
Innbústrygging tryggir innanstokksmuni á heimilinu. Oftast er ferðatrygging og ábyrgðartrygging innifalin.
Húseigendatrygging
Ef þú átt íbúðarhúsnæðið þitt borgar sig að hafa aukatryggingu sem bætir mögulegt tjón á húseigninni.
Sjúkdóma- og slysatrygging
Með því að kaupa sjúkdóma- og slysatryggingu geturðu fengið fjárbætur ef þú færð alvarlegan sjúkdóm eða slasast alvarlega og hlýtur af því varanleg mein.
Barnatrygging
Einstaklingar í vinnu eru með margvíslegar samfélagslegar tryggingar sem börn hafa ekki. Því geturðu valið tryggingu sem bætir skaða ef barnið þitt lendir í slysi eða fær alvarlegan sjúkdóm.
Námsmannatrygging
Þear þú flytur að heiman eða ákveður að stunda nám erlendis þarftu að vera með eigin tryggingu.
Dýratrygging
Ef þú átt húsdýr er ráðlegt að kaupa dýratryggingu.
Tannlæknatrygging
Ekki er um eiginlega tryggingu að ræða en með því að greiða fasta upphæð mánaðarlega færðu aðgang að reglulegri tannvernd sem felur í sér eftirlit og bráðameðhöndlum
Líftrygging
Líftrygging getur veitt fjölskyldunni öryggi við andlát tryggingataka.
Séreignasparnaðartrygging
Séreignasparnaðartrygging er lífeyrissjóður til viðbótar við venjuleg eftirlaun ásamt tryggingu. Séreignarsparnaðartryggingin var frádráttarbær á skattframtali en er það ekki lengur. Sú upphæð sem verður greidd síðar af frádráttarbærum séreignarsparnaði verður skattlögð sem tekjur.
Finna tryggingafélag
Þú getur valið í hvaða landi þú kaupir einkatryggingar þínar vegna þess að tryggingafélög geta selt afurðir sínar í öðrum löndum, annað hvort með því að setja upp skrifstofu í landinu eða með því að bjóða þjónustu yfir landamæri. Þetta á við um einkatryggingar eins og bifreiðatryggingu, heimilistryggingu og líftryggingu.
Mikilvægt er að þú ígrundir vel hvaða tryggingar þú og fjölskyldan þín hefur þörf fyrir og leitaðu tilboða hjá fleiri en einu tryggingarfélagi.
Sænska tryggingaskrifstofa neytenda, Konsumenternas försäkringsbyrå, getur aðstoðað þig ef eitthvað er óljóst.
Ef þú ert með spurningu skaltu fylla út eyðublaðið hérna:
ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.
