Meðganga og fæðing í Danmörku

Hafðu samband við heimilislækninn

Þegar þú verður barnshafandi byrjar þú á því að hafa samband við heimilislækninn en nafn hans stendur á sjúkratryggingakortinu þínu (sundhedskort).

Læknirinn sér um fyrstu skoðun og stofnar meðgönguskýrslu (vandrejournal) sem fylgir þér í gegnum alla meðgönguna.

Meðgönguskýrsla

Meðgönguskýrslan er uppfærð þegar þú ferð í skoðanir hjá lækni, ljósmóður/fæðingardeild og ómskoðunardeild.

Þegar læknirinn skoðar þig í fyrsta sinn kannar hann einnig hvar þú átt að fæða barnið út frá heilbrigðisfaglegu mati og óskum foreldranna.

Heilbrigðisþjónusta í boði á meðgöngu

Dönsk heilbrigðisyfirvöld mæla að jafnaði með eftirfarandi grunnþjónustu ef móðirin er við fulla heilsu og meðgangan er eðlileg:

• Þrjá skoðanir hjá heimilislækni;
• Tvær ómskoðanir;
• 4-7 viðtöl við ljósmóður;
• meðgönguheimsókn hjúkrunarfræðings ef við á.

Þjónusta á meðgöngu fer að sjálfsögðu eftir þörfum og óskum hverrar konu.