Rafræn skilríki í Danmörku – MitID

MitID eru rafræn skilríki sem hægt er að nota í samskiptum við hið opinbera í Danmörku og einnig við þjónustu á borð við netbanka.

MitID er innskráning fyrir allar opinberar og margar einkareknar sjálfsafgreiðslulausnir, þ.m.t. netbanka í Danmörku. MitID er fyrst og fremst forrit fyrir snjallsíma og spjaldtölvur. Ef þú getur ekki notað MitID-forritið geturðu pantað kóðaskrá, kóðalesara eða flögu. Kóðaskráin og kóðalesarinn eru ókeypis en flagan fæst gegn vægu gjaldi. Nánari upplýsingar má nálgast á dönsku og ensku á mitid.dk.

Um MitID á dönsku (mitid.dk)

Um MitID á ensku (mitid.dk)

Til hvers er hægt að nota MitID?

Hægt er að nota MitID til að skrá sig inn í sjálfsafgreiðslugáttir hins opinbera í Danmörku ásamt margs konar annarri þjónustu. Til dæmis má nota MitID til að skrá sig inn í eftirfarandi sjálfsafgreiðslugáttir:

Rafrænn póstur frá hinu opinbera (borger.dk)
Útfylling eyðublaða og þess háttar (borger.dk)
Umsóknir um nám (optagelse.dk)
Skattaupplýsingar (skat.dk)
Upplýsingar um lífeyri (pensionsinfo.dk)
Upplýsingar um heilsugæslu (sundhed.dk)
Netbankinn þinn í Danmörku

Hvernig fær maður MitID?

Nokkrar leiðir eru til að fá MitID. Ef þú ætlar að nota MitID til að skrá þig inn í sjálfsafgreiðslulausnir hins opinbera þarftu fyrst að vera með danska kennitölu. Það er hægt að fá MitID án kennitölu en þá er aðeins hægt að nota sumar sjálfsafrgreiðslulausnir. 13 og 14 ára börn geta fengið MitID. Þó hafa þau ekki aðgang að öllum þjónustum þótt þau séu með MitID.

Hægt er að fá MitID í gegnum MitID-app í símanum. Til þess þarf að nota vegabréf eða skilríki til að virkja MitID. Á mitid.dk má nálgast nánari upplýsingar um hvernig hægt er að fá MitID með vegabréfi eða skilríkjum.

Ef þú átt ekki síma eða þarft aðstoð við að setja upp MitID geturðu fengið aðstoð hjá borgaraþjónustu í Danmörku. Til þess þarftu að panta tíma. Ef þú ert ekki með danska kennitölu eða hefur nýlega fengið henni úthlutað borgar sig að hafa með sér vott. Á mitid.dk má lesa um hvernig maður nálgast aðstoð hjá borgaraþjónustunni, hvernig maður pantar tíma og hvað þarf að hafa meðferðis.

Einnig má lesa betur um hvað ber að gera ef maður er erlendur ríkisborgari eða býr utan Danmerkur og vill fá MitID.

Hægt er að fá aðstoð með MitID hjá þjónustuveri MitID.

13–14 ára (MitID)

MitID með vegabréfi (MitID)

Aðstoð með MitID hjá borgaraþjónustu (MitID)

Erlendir ríkisborgarar (MitID)

Búsettir utan Danmerkur (MitID)