Ástand Eystrasalts og samstarf í kjarnorkumálum á dagskrá Norðurlandaráðs í september
Havsbild tagen av Johannes Jansson.
Norræna sjálfbærninefndin mun á fundinum fjalla um tvær tillögur sem varða slæmt ástand Eystrasalts. Önnur tillagan lýtur að því að Norræna ráðherranefndin rannsaki áhrif togveiða á lífríki hafsins og fiskistofna Eystrasalts ásamt mögulegum takmörkunum á slíkum veiðum í Eystrasalti. Nefndin mun einnig fjalla um tillögu um að Norræna ráðherranefndin marki stefnu um velferð Eystrasalts með áherslu á líffræðileg fjölbreytni, ofauðgun, hættuleg efni og starfsemi á sjó.
Norrænt samstarf í kjarnorkumálum
Norræna þekkingar- og menningarnefndin mun fjalla um tillögu um aukið samstarf í kjarnorkumálum á Norðurlöndum. Samkvæmt tillögunni er þörf á að tryggja aukna og samræmda starfshæfni á Norðurlöndum á sviði kjarnorku.
Ný finnsk landsdeild
Septemberfundurinn er sá fyrsti hjá nýrri landsdeild Finnlands sem skipuð var eftir þingkosningarnar í vor. Nokkrir fulltrúar í sendinefndinni eru nýir í Norðurlandaráði. Á fundinum verður þeim formlega úthlutað sætum í nefndum Norðurlandaráðs og forsætisnefnd.
