Ökuréttindi í Finnlandi
Ökuskírteini sem gefið er út í öðru norrænu landi er einnig gilt í Finnlandi. Þú getur þó einnig skipt ökuskírteini frá öðru norrænu landi út fyrir finnskt ökuskírteini.
Ökuskírteini frá öðru landi í Finnlandi
Ökuskírteini sem gefið er út í öðru norrænu landi, ESB- eða EES-landi veitir sömu ökuréttindi í Finnlandi og í útgáfulandinu. Nánari upplýsingar eru á upplýsingasíðunni Ajokortti-info.
Að skipta erlendu ökuskírteini út fyrir finnskt
Þú getur fengið ökuskírteini frá öðru norrænu landi, ESB- eða EES-landi skipt í finnskt ökuskírteini sem veitir sömu réttindi, án þess að þurfa að sækja ökutíma að nýju, ef þú hefur varanlega búsetu í Finnlandi eða hefur stundað nám þar í að minnsta kosti 6 mánuði. Þetta gildir þó ekki um bráðabirgðaskírteini.
Til að skipta út ökuskírteini skaltu leita til næsta útibús Ajovarma. Nánari upplýsingar eru á síðunni Ajokortti-info.
Að taka ökupróf í Finnlandi
Hyggist þú þreyta ökupróf í Finnlandi þarftu að sækja ökutíma í ökuskóla eða hjá öðrum aðila með kennsluleyfi. Nánari upplýsingar eru á upplýsingasíðunni Ajokortti-info.
Nánari upplýsingar
Ef þú ert með spurningu eða ef þú hefur rekist á hindrun í norrænu landi skaltu fylla út eyðublað okkar.
ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.
