Helgidagar í Finnlandi

Launafólk í Finnlandi fær yfirleitt frí á helgidögum. Þó er gott að hafa í huga að kveðið er á um frídaga í kjarasamningum. Ef helgidag ber upp á virkan dag skaltu fletta upp í kjarasamningi þínum ef þú vilt vita hvort um sé að ræða launaðan frídag. Eini frídagurinn sem kveðið er á um í lögum er Sjálfstæðisdagur Finnlands.

Í Finnlandi koma engin lög í veg fyrir að smásöluverslanir séu opnar á hátíðisdögum.

• 1. janúar: nýársdagur
• 6. janúar: þrettándinn
• mars–apríl: páskar. Föstudagurinn langi, páskadagur og annar í páskum. Páskadagur er í fyrsta lagi 22. mars og í seinasta lagi 25. apríl.
• 1. maí: Valborgarmessa
• apríl–júní: uppstigningardagur. 40 dögum eftir páskadag; alltaf á fimmtudegi, í fyrsta lagi 30. apríl og í seinasta lagi 3. júní.
• maí–júní: hvítasunna. Hvítasunnudagur er 10. dagur eftir uppstigningardag; í fyrsta lagi 10. maí og í seinasta lagi 13. júní. 
• júní: Jónsmessudagur. Jónsmessudagur er haldinn hátíðlegur á laugardeginum eftir 19. júní.
• 4. nóvember: allraheilagramessa
• 6. desember: sjálfstæðisdagur Finnlands
• 25. desember: jóladagur
• 26. desember: annar í jólum

Í Finnlandi er flaggað á tilteknum dögum. Fánadagarnir eru ýmist opinberir eða samkvæmt hefð. Opinberu fánadagarnir eru sjö og hefðbundnu fánadagarnir eru fimmtán. Einnig eru kjördagar í Finnlandi opinberir fánadagar, auk daga þegar forseti finnska lýðveldisins tekur við embætti.

Listi yfir opinbera og hefðbundna fánadaga í Finnlandi er á vefsíðu innanríkisráðuneytisins.

Samar í Finnlandi hafa sína eigin árlegu fánadaga. Þeir eru tólf talsins og þá flagga Samar sínum eigin fána.

• 6. febrúar: þjóðhátíðardagur Sama
• 14. febrúar: vináttudagurinn
• sjö vikum fyrir páska: sprengidagur
• 8. mars: alþjóðlegur baráttudagur kvenna
• 23. mars: dagur Norðurlanda
• 8. apríl: þjóðhátíðardagur Rómafólks
• 9. júní: sjálfsstjórnardagur Álandseyja
• júní: Jónsmessukvöld. Jónsmessukvöld er haldið hátíðlegt daginn fyrir Jónsmessudag.
• 27. júlí: sjösofendadagur
• 24. desember:aðfangadagur

Á eftirfarandi síðum finnurðu upplýsingar um helgidaga sem haldnir eru í heiðri í hinum norrænu löndunum.