Lýðræðisvika WorldPride í Kaupmannahöfn opnuð með norrænni pallborðsumræðu
Málþingið Human Righs Forum er fastur liður í dagskrá WorldPride og þar fer fram lýðræðishátíð með umræðum og málstofum. Málþingið stendur yfir 17.–19. ágúst á vegum Copenhagen2021.
Málþing ársins verður opnað undir merkjum norræns samstarfs með umræðunni „Nordic ministers gather forces for young LGBTI people’s wellbeing“ þann 16. ágúst kl. 10:00–11:30 (CEST).
Fimm ráðherrar og erindreki SÞ
Fimm norrænir ráðherrar á sviði jafnréttis og LGBTI-réttinda taka þátt í umræðunum auk Jayathma Wickramanayake, erindreka Sameinuðu þjóðanna í málefnum ungs fólks.
Umræðustjóri er Jani Toivola, leikari og rithöfundur.
Þau taka þátt í pallborðsumræðunum:
- Thomas Blomqvist, ráðherra norræns samstarfs og jafnréttismála í Finnlandi
- Peter Hummelgaard, jafnréttisráðherra Danmerkur
- Katrín Jakobsdóttir, forsætisráðherra Íslands (ávarpar fundinn rafrænt)
- Märta Stenevi, ráðherra jafnréttis- og húsnæðismála í Svíþjóð
- Abid Raja, ráðherra menningar- og jafnréttismála í Noregi
- Jayathma Wickramanayake, erindreki Sameinuðu þjóðanna í málefnum ungs fólks
Ný skýrsla um líðan ungmenna
Um leið verður kynnt ný skýrsla, „Hälsa, välmående och livsvillkor bland unga LGBTI-personer i Norden“ („Heilsa, vellíðan og lífskjör LGBTI-ungmenna á Norðurlöndum“). Fræðikonan Anna Siverskog kynnir skýrsluna.
„Jafnvel þótt norrænu löndin gegni forystuhlutverki að mörgu leyti eigum við enn langt í land með að skapa samfélag fyrir alla. Ég hlakka til að ræða það hvernig við í norrænu samstarfi getum stuðlað að aukinni vellíðan meðal LGBTI-ungmenna,“ segir Thomas Blomqvist, sem er formaður ráðherranefndarinnar um jafnréttismál og LGBTI-málefni.
Frá árinu 2019 hafa LGBTI-málefni verið pólitískt samstarfssvið á Norðurlöndum og árið 2020 lét Norræna ráðherranefndin vinna fyrstu svæðisbundnu áætlun í heimi um málefni LGBTI-fólks.
