Bankareikningur á Álandseyjum

Mikilvægt er að hafa bankareikning til að halda utan um fjármálin og yfirleitt þarf bankareikning til að taka við launum, greiða reikninga og sinna öðrum reglulegum greiðslum. Í flestum norrænu löndunum þarf einnig netbankakóða eða aðra rafræna auðkenningu til að staðfesta auðkenni sitt og fá aðgang að ýmissi rafrænni þjónustu og eiga í samskiptum við stofnanir.

Á Álandseyjum gilda sama reglur og í Finnlandi um opnun bankareiknings, lánaumsóknir og rafræna auðkenningu. Frekari upplýsingar má finna á síðunum „Bankareikningur í Finnlandi“ og „Rafræn auðkenning í Finnlandi“.

Bönkum er skylt að veita grunnþjónustu til einstaklinga sem hafa lagalega búsetu í Finnlandi, á Álandseyjum eða í öðru ESB-/EES-landi. Á meðal grunnbankaþjónustu eru m.a. almennur greiðslureikningur, greiðslukort, netbankakóðar, úttektir í reiðufé, millifærslur og rafrænt auðkenning. Nánari upplýsingar um grunnbankaþjónustu er að finna á vefsíðu fjármálaeftirlitsins.

Til að bankinn geti opnað reikning og boðið upp á greiðsluþjónustu þarf að staðfesta auðkenni einstaklingsins. Gild persónuskilríki á borð við vegabréf eru öruggasta leiðin til að staðfesta auðkenni og hafa þarf þau meðferðis þegar opna á bankareikning.

Bankinn getur neitað að gefa út rafræn skilríki ef einstaklingur er ekki skráður hjá þjóðskrá í Finnlandi eða á Álandseyjum og er ekki með finnska kennitölu. Í slíkum tilfellum getur bankinn þess í stað boðið upp á takmarkaðri auðkenningaraðferð sem gerir kleift að nota greiðslureikning með grunnvirkni og tilheyrandi þjónustu.

Margir bankar starfa á Álandseyjum og bjóða upp á bankaþjónustu fyrir bæði einstaklinga og fyrirtæki.  Farðu alltaf yfir eigin þarfir, bankagjöld og vöruframboð áður en þú undirritar samning.

Á upplýsingavefnum aland.com má finna yfirlit yfir banka sem hafa starfsemi á Álandseyjum og bjóða upp á bankaþjónustu fyrir einstaklinga.

Kvörtunum, kröfum og ábendingum skal fyrst beint til viðeigandi aðila hjá bankanum sjálfum. Ef ekki tekst að leysa úr málinu er hægt að hafa samband við óháða aðila sem veita aðstoð og ráðgjöf.

Neytendaráðgjöf umboðsmanns Álandseyja býður bæði neytendum og fyrirtækjum upp á ókeypis ráðgjöf og leiðsögn. Hún veitir upplýsingar um réttindi og skyldur og hjálpar til við að miðla málum komi upp ágreiningur. Einnig er hægt að vísa málum til úrskurðarnefndar neytendamála hjá landsstjórn Álandseyja. Ráðgjafarþjónustan FINE (Försäkrings- och finansrådgivningen) býður einnig upp á ókeypis ráðgjöf og skriflegar ráðleggingar í málum tengdum lánum, bankareikningum, sparnaði og fjárfestingum.

Nánari upplýsingar um neytendaráðgjöf, úrskurðarnefnd neytendamála og FINE er að finna á vefsíðum þessara aðila.

Á síðu Info Norden má finna upplýsingar um bankaþjónustu í öðrum norrænum löndum og samskiptaupplýsingar þeirra stofnana sem geta svarað spurningum.