Dagvistun á Álandseyjum

Að loknu foreldraorlofi geta foreldrar valið um dagvistun á vegum sveitarfélaga eða styrk vegna heimagæslu. Leikskólar eru í öllum sveitarfélögum á Álandseyjum.

Það er sveitarfélagið sem þú býrð í sem heldur úti dagvistun, en dagheimili, leikskólar og tómstundastarf eru í boði. Ef þú hefur fasta búsetu á Álandseyjum átt þú rétt á vistun barns á leikskóla eða fjölskyldudagheimili. Þú getur skilað inn umsókn um dagvistunarpláss til sveitarfélags hvenær árs sem er. Umsóknum skal helst skilað fjórum mánuðum áður en þörf er á plássi. Hægt er að fá pláss innan tveggja vikna ef þú færð atvinnu eða byrjar í námi. Hafðu samband við sveitarfélagið sem þú býrð í til að fá nánari upplýsingar.

Fæðingarorlofsgreiðslum lýkur þegar barnið þær um 9 mánaða aldri. Ef þú býrð á Álandseyjum sækir þú um styrk vegna heimagæslu hjá sveitarfélagi þínu. Styrkur vegna heimagæslu er föst upphæð og í sumum tilfellum einnig tekjutengd viðbót. Viðbót við styrk vegna heimagæslu er aðeins veitt fyrir eitt barn. Einnig greiða sum sveitarfélög viðbótarstyrk til þeirra sem fá styrk vegna heimagæslu. 

Á Álandseyjum fer forskólakennsla fram á leikskólum fyrir 6 ára börn. Sveitarfélagið sem þú býrð í á Álandseyjum mun gefa þér upplýsingar um forskólakennslu.