Tryggingar á Álandseyjum

Ef þú hefur fasta búsetu í Finnlandi eða á Álandseyjum nýtur þú verndar almannatrygginga, til dæmis atvinnuleysistryggingar, heilsu- og sjúkratryggingar og félagslegra bóta. Flestar tryggingar á Álandseyjum eru ekki skyldutryggingar, en aftur á móti getur þú tryggt þig og þínar eignir með einkatryggingum. Á meðal algengra einkatrygginga eru heimilistrygging, lífstrygging, dýratrygging, ferðatrygging og slysatrygging.

Lesa má nánar um mismunandi almannatryggingar á Álandseyjum á síðunni „Heilsa og almannatryggingar“.

Mörg tryggingafélög starfa á Álandseyjum og bjóða upp á einkatryggingar á ýmsum sviðum. Mikilvægt er að gera samanburð á verðu tryggingafélaganna og lesa vörulýsingar áður en skrifað er undir tryggingasamning. 

Í atvinnugreinaleiðsögninni á vefnum aland.com má finna tryggingafélög og banka sem hafa starfsemi á Álandseyjum og bjóða upp á tryggingar fyrir einstaklinga.

Ef þú heimsækir Álandseyjar tímabundið getur komið sér vel að fara yfir tryggingar. Í lýsingu á tryggingavöru kemur fram hvar og hvernig tryggingin gildir. Þar sem skilmálarnir eru settir af tryggingafélögunum sjálfum skaltu hafa samband við þau til að fá nánari upplýsingar.

Ef þú notar ökutæki á Álandseyjum þarftu að hafa umferðartryggingu. Umferðartrygging er skyldutrygging fyrir öll ökutæki sem notuð eru á eyjunum. Ökutækið má vera tryggt í öðru norrænu landi við tímabundna dvöl á Álandseyjum.

Flest tryggingafélög veita ekki líftryggingar til einstaklinga sem dvelja tímabundið í Finnlandi eða á Álandseyjum, þar sem hinn vátryggði þarf yfirleitt að hafa fasta búsetu í landinu eða tilkeyra félagstryggingakerfi þess. 

Á vefsíðum Info Norden má finna upplýsingar um tryggingar annars staðar á Norðurlöndum og þær stofnanir sem leita skal til vegna spurninga.