Fráfall nákomins á Álandseyjum

Þú getur fundið upplýsingar um tilkynningu um andlát, tilkynningu um andlát til annars norræns lands, erfðamál og erfðaskatt, dánarbú, jarðaför og annað á síðunni um fráfall nákomins í Finnlandi þar sem í Álandseyjum gilda sömu lög og í Finnlandi.

Á Álandseyjum er það svæðisskrifstofa Álandseyja sem hefur umsjón með skráningu andláta einstaklinga með finnska kennitölu. Ef einstaklingur með fasta búsetu á Álandseyjum sem er ríkisborgari í öðru norrænu landi fellur frá á Álandseyjum er tilkynning um andlát almennt ekki send beint til yfirvalda í hinu landinu. Hafðu samband við svæðisskrifstofuna vegna þessara mála.Á síðu svæðisskrifstofunnar eru gefnar upplýsingar tilkynningar um andlát, hver gefur út dánartilkynningu, gefur jarðarfararleyfi og hvert aðstandendur þurfa að senda tilkynningu.

Eina útfararstofan á Álandseyjum er Nocturne í Maríuhöfn, en hún getur aðstoðað þig við flest allt í tengslum við andlát. Stofan getur til dæmis skipulagt flutning fyrir sænska ríkisborgara sem falla frá á Álandseyjum en verða jarðsettir í Svíþjóð. Ef þú hefur spurningar skaltu hafa samband við Nocturne.

Í vissum tilfellum áttu rétt á bótum þegar fjölskyldumeðlimur deyr. Upplýsingar um dánarbætur aðstandenda á síðunni „Dánarbætur á Álandseyjum“.

Á vefsíðum Info Norden er að finna upplýsingar um hvað gera skal við fráfall nákomins annars staðar á Norðurlöndum og þær stofnanir sem leita skal til vegna spurninga.