Leiðbeiningar flutt til Álandseyja

Þegar flutt er til Álandseyja þarf að tilkynna ýmsum stofnunum um flutninginn. Auk þess geta flutningarnir haft áhrif á félagslegar bætur, heilbrigðisþjónustu og skattlagningu. Leiðbeiningarnar innihalda einnig upplýsingar um dvalar- og atvinnuleyfi, búsetu, tryggingar, bankaþjónustu, tungumálanámskeið og innflutning búslóðar, bíls og gæludýra til Álandseyja.

Ef þú hyggst flytja til Álandseyja til að starfa þar eða stunda nám skaltu einnig kynna þér eftirfarandi leiðbeiningar:

Ef þú ert ríkisborgari norræns lands þarftu hvorki að fá atvinnu- né dvalarleyfi í Finnlandi. Ef þú ert ríkisborgari lands utan Norðurlandanna en innan ESB eða EES, eða annars lands, gilda ýmsar reglur. Nánari upplýsingar eru á síðunni „Atvinnu- og dvalarleyfi á Álandseyjum“.

Ef þú flytur til Álandseyja eða Finnlands til að hafa þar fasta búsetu færðu finnska kennitölu þegar þú hefur tilkynnt um flutninginn. Í sumum tilfellum getur þú einnig fengið finnska kennitölu ef þú dvelur tímabundið á Álandseyjum / í Finnlandi. Nánari upplýsingar eru á síðunni „Kennitala á Álandseyjum“.

Á Álandseyjum er það svæðisskrifstofa Álandseyja sem hefur umsjón með flutningstilkynningum og skráningu í þjóðskrá og útgáfu kennitala. Hafðu gild persónuskilríki meðferðis þegar þú mætir á skrifstofuna.

Ef þú flytur til Álandseyja þýðir það ekki að þú eigi sjálfkrafa rétt á finnskum félagslegum bótum. Þegar sótt er um bætur metur finnska almannatryggingastofnunin (FPA) hvort þú sért með fasta búsetu í Finnlandi eða hvort þú eigir rétt á bótum FPA á grundvelli vinnu þinnar.

Þú getur aðeins tilheyrt almannatryggingum eins lands í einu. Yfirleitt fellur þú undir almannatryggingar landsins sem þú starfar í. Ef þú ert ekki í vinnu fellur þú alla jafna undir almannatryggingar búsetulands þíns. Lestu meira á síðunum „Almannatryggingar á Álandseyjum“ og „Almannatryggingar hvaða lands gilda um þig?“.

Ef þú býrð eða starfar í Finnlandi áttu rétt á heilbrigðisþjónustu. Jafnvel þó þú dveljir tímabundið í Finnlandi áttu engu að síður rétt á vissri heilbrigðisþjónustu. Auk þess átt þú rétt á að sækja þér heilbrigðisþjónustu í öðru norrænu landi frá Finnlandi eða sækja þér heilbrigðisþjónustu í Finnlandi frá öðru norrænu landi. Nánari upplýsingar um þetta eru á síðunni „Réttur til heilbrigðisþjónustu í Finnlandi“.

Þegar flutt er til Álandseyja er sótt um skattstofa hjá skattstofunni á Álandseyjum. Mundu að þú berð skattskyldu í báðum löndunum yfir árið. Tilkynntu skattstofu og vinnuveitanda þínum í heimalandinu einnig um nýja heimilisfangið. Kynntu þér einnig hvaða reglur gilda ef þú býrð í einu norrænu landi en starfar í öðru á síðunni um skatta á Álandseyjum.

Mikilvægt er að athuga hvaða reglur gilda um atvinnuleysistryggingasjóðinn þinn áður en flutt er. Hafðu samband við atvinnuleysistryggingasjóðinn þinn til að fá upplýsingar um ferlið.

Upplýsingar um ráðningarsamninga, kjarasamninga og önnur ráðningarkjör er að finna á síðunni Réttindi og skyldur launafólks í Finnlandi. Þú finnur upplýsingar um stéttarfélög sem standa vörð um réttindi launafólks á síðunni „Stéttarfélög á Álandseyjum“.

Ef þú ert með erlenda prófgráðu leggur atvinnurekandinn í flestum tilfellum eigið mat á hvaða hæfni prófgráðan veitir fyrir starfið. Í sumum atvinnugreinum þarf þó að fá viðurkenningu á prófgráðunni eða rétti til að starfa innan greinarinnar. Nánari upplýsingar eru á síðunni „Starfsleyfi og viðurkenning erlendra prófgráða í Finnlandi“.

Hér má nálgast upplýsingar um skattlagningu finnskra og erlendra lífeyrisgreiðslna.

Hér eru gefnar upplýsingar um hvar þú getur fundið þér húsnæði á Álandseyjum, fasteignakaup, íbúðir í gegnum húseigendafélög, leiguíbúðir, biðlista eftir leiguhúsnæði, húsnæðisbætur, meðalleigu á Álandseyjum og fleira.

Hér eru gefnar upplýsingar um þær reglur sem gilda þegar flutt er með bíl til Álandseyja. Greiða þarf bifreiðaskatt, skrá ökutækið o.s.frv. en ökuskírteini sem gefin eru út í öðrum norrænum löndum gilda einnig á Álandseyjum.

Hér eru gefnar upplýsingar um þær tollareglur sem gilda við flutning til Álandseyja og með hvaða leiðum er hægt að ferðast til Álandseyja.

Hér eru gefnar upplýsingar um hvernig ferðast er með gæludýr á borð við hunda eða ketti þegar flutt er til Álandseyja.

Hafðu samband við póstþjónustu landsins sem þú flytur frá ef þú vilt fá póst endursendan á nýja heimilisfangið á Álandseyjum.

Hér eru gefnar upplýsingar um opnun bankareiknings, tryggingaþjónustur, farsíma- og netáskrift, rafmagnsveitusamninga og fjölmiðlagjald á Álandseyjum.

Hefðbundnar sveitarstjórnarkosningar eru haldnar þriðja sunnudag í október fjórða hvert ár. Sveitarstjórnarkosningar eru haldnar á sama tíma og þingkosningar. Ef þú hefur haft fasta búsetu á Álandseyjum í eitt ár mátt þú kjósa í sveitarstjórnarkosningum í þínu sveitarfélagi. Álenskan heimabyggðarrétt þarf til að bjóða sig fram og kjósa í þingkosningum. Þú getur lesið um kosningarétt þinn á tenglinum „Hver mega kjósa“? 

Heimabyggðarréttur er engin hindrun fyrir því að flytja til Álandseyja og ef þú flytur þangað getur þú keypt íbúð eða byggt hús á landareign með landakaupaleyfi án þess að hafa heimabyggðarrétt. Þú getur lesið meira á síðunni „Álenskur heimabyggðarréttur“.

Á eru skólar og leiksólar á ábyrgð sveitarfélaganna. Hafðu samband við sveitarfélagið sem þú flytur til á Álandseyjum til að fá upplýsingar um umönnun barna og skóla og hvernig þú getur sett barnið þitt í röð fyrir leikskólaplássi. Samskiptaupplýsingar allra sveitarfélaganna er að finna á eftirfarandi tengli.

Sænskunámskeið fyrir innflytjendur (SFI) eru haldin af Medborgarinstitutet, Nánari upplýsingar um námskeiðin má finna hér:

Ef þú ætlar að flytja frá norrænu landi til Svíþjóðar eru nokkrir hlutir sem þú þarft að gera áður en þú ferðast til Svíþjóðar.

Á tenglunum hér að neðan finnur þú upplýsingar um hvað þú þarft að hafa í huga þegar þú hyggst flytja frá Danmörku, Finnlandi, Íslandi, Noregi, Svíðþjóð, Færeyjum og Álandseyjum til annars norræns lands.