Skattar á Álandseyjum
Á Álandseyjum gilda sérstakar reglur um skatt sveitarfélaga og tiltekinn frádrátt, en almennt gilda finnskar skattareglur. Skattlagning í Finnlandi og á Álandseyjum er byggð á því hvort einstaklingurinn beri almenna eða takmarkaða skattskyldu. Einstaklingar sem bera almenna skattskyldu hafa fasta búsetu í Finnlandi eða á Álandseyjum og greiða skatt af öllum tekjum sínum. Ef þú dvelur og býrð í Finnlandi í minna en sex mánuði berðu þú að meginreglunni til takmarkaða skattskyldu og greiðir aðeins skatt af tekjum frá Finnlandi.
Nánari upplýsingar um til dæmis skattkort, skattskýrslu og hver eiga að greiða skatt í Finnlandi og á Álandseyjum eru gefnar á síðunni „Skattar í Finnlandi“. Einnig eru gefnar upplýsingar um skatta á Álandseyjum á vefsíðu skattyfirvalda.
Skattafrádráttur Álandseyja
Álandseyjar ákvarða sjálfar upphæð útsvars og leyfðan frádrátt fyrir útsvar sveitarfélaga. Því getur frádráttur á Álandseyjum verið annar en í Finnlandi.
Lesa má nánar um álenskan frádrátt og hvernig skattskýrslu er skilað á vefsvæði skattayfirvalda eða í undirhlutunum hér að neðan.
Heimilt getur verið að veita vegna kostnaðar við leigu á húsnæði á vinnustað vegna samskiptaaðstæðna. Til að frádrátturinn sé leyfilegur þarf að taka meira en þrjár klukkustundir að ferðast frá heimili til vinnustaðar og til baka og ferðin þarf að fela í sér ferjubát sem ekki er á fastri línu (frigående färja). Húsnæðið þarf að vera leiguhúsnæði í sveitarfélagi á Álandseyjum og vinnuveitandinn þarf að vera í sama sveitarfélagi.
Kostnaður vegna ferða milli heimilis og vinnustaðar með eigin bíl er frádráttarbær, upp að 6000 evrum að hámarki. Sjálfsábyrgð er dregin frá ferðakostnaði, sem þýðir að frádráttur er aðeins leyfður fyrir þann hluta sem fer umfram sjálfsábyrgð. Ef meira en helmingur ferðanna er með almenningssamgöngum er engin sjálfsábyrgð. Sjálfsábyrgð er þó lægri við atvinnuleysi eða í fjölskylduorlofi.
Námsfólk á Álandseyjum sækir um námsstyrki og námslán með ábyrgð landsstjórnar hjá Miðstöð vinnumarkaðar og námsaðstoðar á Álandseyjum (AMS). Nánari upplýsingar um námsstyrki og ábyrgð landsstjórnar er að finna á síðunni „Námsstyrkir á Álandseyjum“.
Einstaklingar með lögheimili á Álandseyjum sem hafa gengið í grunnskóla eða verið í fullu námi við háskóla eða aðra menntastofnun í Finnlandi eða erlendis eiga rétt á 340 evru frádrætti á hverja önn. Gefa skal upp námsstað og námstíma í umsókninni. Frádráttur getur einnig verið leyfður vegna fjarnáms í fullu námi.
Einstaklingar sem byrjuðu í hámi fyrir 1. ágúst 2005 og eru að greiða af námsláni geta fengið skattafrádrátt vegna námsláns. Lánið þarf að hafa ábyrgð landsstjórnar („landskapsgaranti“), eða hafa verið veitt ásamt vaxtabótum af landsstjórn Álandseyja eða námsstyrkjanefnd sem skipuð er af landstjórninni. Frádrátturinn er fyrst leyfður þegar vaxtabótum lýkur og því næst á afborgunarárum.
Einstaklingar með lögheimili á Álandseyjum sækja um skattafrádrátt vegna námsláns fyrir nám sem hófst eftir 1. ágúst 2005 hjá FPA. Nánari upplýsingar er að finna á vefsíðu FPA um skattafrádrátt vegna námsláns.
Einstaklingar sem hafa lögheimili á Álandseyjum og vinna á vegaferju eiga ekki rétt á sjómannafrádrætti fyrir sveitarfélagsskatt. Þess í stað eiga þeir rétt á að draga frá ferðakostnað, kostnað við tekjuöflun og framlög til atvinnuleysistryggingasjóðs.
Einstaklingar sem hafa lögheimili á Álandseyjum eiga rétt á frádrætti vegna fötlunar fyrir útsvar sveitarfélaga þrátt fyrir að slíkur frádráttur sé ekki lengur leyfður fyrir einstaklinga sem búa á finnska meginlandinu. Þessi frádráttur er leyfður einstaklingum með a.m.k. 30% örorku vegna sjúkdóms, fötlunar eða líkamstjóns. Frádrátturinn er að hámarki 440 evrur.
Nánari upplýsingar um þann frádrátt sem kann að vera í boði fyrir fólk með fötlun er að finna á síðu Info Norden, „Stuðningur og hjálpartæki fyrir fólk með fötlun á Álandseyjum“.
Skattlagning milli norrænu landanna
Einstaklingur sem er búsettur í einu landi en hefur tekjur eða á eignir í öðru landi kann að vera skattskyldur í báðum löndunum. Norræni tvísköttunarsamningurinn inniheldur reglur um hvaða norræna land skuli skattleggja tekjur og hvernig komist er hjá tvísköttun.
Norræna skattagáttin (Nordisk eTax) er samvinnuverkefni skattyfirvalda á Norðurlöndum sem gegnir hlutverki upplýsingagáttar um skatta á Norðurlöndum. Á vefnum má finna leiðbeiningar fyrir einstaklinga sem starfa, flytja eða ferðast milli landamæra á Norðurlöndum og upplýsingar um hvar á að greiða skatt.
Nánari upplýsingar
Á síðu Info Norden má finna upplýsingar um skatta í öðrum norrænum löndum og samskiptaupplýsingar þeirra stofnana sem geta svarað spurningum.
Ef þú ert með spurningu eða ef þú hefur rekist á hindrun í norrænu landi skaltu fylla út eyðublað okkar.
ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.