Fróðleiksmolar um Grænland

Oqaatsut
Ljósmyndari
Silje Bergum Kinsten/norden.org
Íbúar Grænlands komu upprunalega frá Mið-Asíu. Grænland tilheyrir heimsálfunni Norður-Ameríku, en frá landfræðipólitískum sjónarhóli er eyjan hluti af Evrópu.

Grænland er stærsta eyja heims og næstum 80% af flatarmálinu eru þakin íshettu og fjölda jökla. Engu að síðu er íslausa landsvæðið næstum jafn stórt og öll Svíþjóð, en aðeins mjög lítill hluti þess er ræktanlegt land.

Á Grænlandi búa tæplega 56 þúsund manns og um 18 þúsund þeirra búa í höfuðstaðnum Nuuk.

Grænland er hluti af konungsríkinu Danmörku, en hefur víðtæka sjálfstjórn sem síðast var aukin árið 2009. Sjálfstjórnin nær þó ekki til ríkismála, svo sem utanríkis- og öryggismála og peningastefnu.

Grænland á ekki aðild að ESB en hefur gert sérstakan fiskveiðisamning og hefur verið tekið í hóp svonefndra landa og yfirráðasvæða handan hafsins sem tengjast ESB með sérstökum hætti.

Sel- og hvalveiðar, fiskveiðar og skotveiðar eru megintekjulindir Grænlendinga. Tekjur af ferðamennsku fara einnig vaxandi og jafnframt er stunduð námuvinnsla.

Þjóðarframleiðsla nemur 25 þúsund evrum á hvern íbúa (2006).

Heildarflatarmál: 2.166.086 km2

Íshetta og jöklar: 1.755.637 km2

Íslaus svæði: 410.449 km2

Hæsti tindur: Gunnbjörnsfjall 3.693 m

Strandlengja: 44.087 km

Landamæri: 0 km

Skóglendi: 1 km2

Meðalhitastig í Nuuk (1961–1990): janúar -7,4° C, júlí 6,5° C

Meðalúrkoma (2006): Aasiaat 352 mm, Tasiilaq 742 mm

Íbúafjöldi 2017: 55.860 íbúar

Íbúafjöldi í höfuðstaðnum árið 2017: Nuuk 18,000 íbúar (1) 

Þjóðhátíðardagur: 21. júní (lengsti dagur ársins)

Stjórnarfar: Heimastjórn – hluti af konungsríkinu Danmörku

Þing: Inatsisartut (Landsþingið) (31 fulltrúar)

Aðild að Evrópusambandinu: Frá 1. janúar 1973 til 1. febrúar 1985

Aðild að Atlantshafsbandalaginu: Frá 1949 (vegna aðildar Danmerkur)

Þjóðhöfðingi: Margrét Þórhildur II Danadrottning

Forsætisráðherra (október 2014): Kim Kielsen (Siumut)

Gjaldeyrir: Danskar krónur (DKK)

Opinber heimasíða: http://dk.nanoq.gl/

Opinbert tungumál: Grænlenska

1) Sveitarfélagið Sermersooq