Staðreyndir um Grænland

Grænland er hluti af konungsríkinu Danmörku en hefur víðtæka sjálfstjórn sem síðast var aukin árið 2009. Sjálfstjórnin nær þó ekki til ríkismála, svo sem utanríkis- og öryggismála og peningastefnu.

Grænland á ekki aðild að ESB en hefur gert sérstakan fiskveiðisamning og hefur verið tekið í hóp svonefndra landa og yfirráðasvæða handan hafsins sem tengjast ESB með sérstökum hætti.

• Þjóðhátíðardagur: 21. júní (lengsti dagur ársins)
• Stjórnarfar: Sjálfstjórn – hluti af konungsríkinu Danmörku
• Þing: Inatsisartut eða Landsþingið (31 fulltrúi)
• Aðild að ESB: Frá 1. janúar 1973 til 1. febrúar 1985
• Aðild að NATO: Frá 1949 (vegna aðildar Danmerkur)
• Þjóðhöfðingi: Margrét Þórhildur II Danadrottning
• Forsætisráðherra (frá apríl 2021): Múte Bourup Egede (Inuit Ataqatigiit)

Á Grænlandi búa tæplega 56 þúsund manns og um 19 þúsund þeirra búa í höfuðstaðnum Nuuk.

• Íbúafjöldi 2023: 56.609
• Íbúafjöldi í höfuðborginni árið 2023: Nuuk 19.604 íbúar (1)

Sel- og hvalveiðar, fiskveiðar og skotveiðar eru megintekjulindir Grænlendinga. Tekjur af ferðamennsku fara einnig vaxandi og jafnframt er stunduð námuvinnsla.

Þjóðarframleiðsla nemur 25 þúsund evrum á hvern íbúa (2006).

• Gjaldmiðill: Dönsk króna (DKK)

Grænland er sjálfstjórnarsvæði og stærsta eyja heims. Næstum 80% af flatarmálinu eru þakin íshettu og fjölda jökla. Engu að síður er íslausa landsvæðið næstum jafnstórt og öll Svíþjóð, en aðeins mjög lítill hluti þess er ræktanlegt land.

• Heildarflatarmál: 2.166.086 km²
• Íshetta og jöklar: 1.755.637 km²
• Íslaus svæði 410.449 km²
• Hæsti tindur: Gunnbjörnsfjall 3.693 m
• Strandlengja: 44.087 km
• Landamæri: 0 km
• Skóglendi: 1 km²

Grænland er á heimskautaloftslagssvæðinu þar sem hiti getur farið allt niður í -50 °C og sumarhitinn verður sjaldnast hærri en 10-15 °C. Vegna stærðar Grænlands getur hitinn þó verið afar breytilegur milli svæða.

• Meðalhiti í Nuuk (1990-2018): -1,7 °C (hæsti hiti 19,3 °C, lægsti hiti -20,7 °C)
• Meðalúrkoma (2006): Aasiaat 352 mm, Tasiilaq 742 mm

Gráður á Selsíus

Grænlenska er opinbert tungumál Grænlands og er töluð af meirihluta íbúa. Lítill hluti íbúanna lítur þó á sig sem tvítyngdan þar sem danska er hitt tungumálið.

• Opinbert vefsvæði: http://dk.nanoq.gl/
• Opinbert tungumál: Grænlenska

Ef þig langar að flytja til Grænlands má alltaf hafa samband við Info Norden sem er upplýsingaþjónusta Norrænu ráðherranefndarinnar.

Skýrslan State of the Nordic Region er gefin út annað hvert ár og veitir yfirgripsmikla og einstaka innsýn undir yfirborðið í norrænu ríkjunum. Í skýrslunni er unnið úr tölfræði um lýðfræði, vinnumarkað, menntun og hagkerfi Norðurlanda.

Við höfum tekið saman mikið magn norrænna talnagagna sem máli skipta í gagnagrunninum Nordic Statistics database. Þar má má verða margs vísari um tölfræði ýmissa málaflokka á Norðurlöndum.