Meðganga og fæðing á Álandseyjum

Þessi grein fjallar um mæðraskoðun og fæðingu á Álandseyjum. Upplýsingar um fjölskyldubætur eftir fæðingu er að finna á síðunni „Fjölskyldubætur á Álandseyjum“, sem fjallar einnig um það sem er frábrugðið frá Finnlandi á Álandseyjum. Nýttu þér endilega stuttar leiðbeiningar FPA fyrir barnafjölskyldur, sem gefur gott yfirlit yfir þau réttindi sem þú nýtur þegar þú átt von á barni. Þar á meðal er að mæta í ráðgjöf og skila þungunarvottorði, sækja um meðgöngustyrk og fæðingarorlofsgreiðslur og fleira.

Konur sem eiga fasta búsetu á Álandseyjum eiga rétt á gjaldfrjálsri ljósmæðraþjónustu frá heilsugæslustöðvum bæði á meðgöngu og eftir fæðingu. Markmið skrifstofu mæðraráðgjafar er að hlúa að heilsu barnshafandi kvenna, fósturs, nýfædds barns og fjölskyldu barnsins. Ef þú ert með sjúkratryggingu í öðru ESB- eða EES-landi eða Sviss og dvelur tímabundið á Álandseyjum áttu rétt á nauðsynlegri heilbrigðisþjónustu á Álandseyjum og þar með mæðraskoðun.

Fæðing er hluti af hjúkrunarþjónustu fyrir þá sem hafa fasta búsetu á Álandseyjum. Heimsóknir á heilsugæslustöðvar og sjúkrahús eru yfirleitt gjaldskyldar.
Á síðu heilbrigðisþjónustu Álandseyja má finna upplýsingar um undirbúning fyrir fæðingu, undirbúning fyrir brjóstagjöf, hvenær skal fara á fæðingardeild, hvað skal taka með sér á sjúkrahúsið, það sem gott er að vita þegar farið er á fæðingardeild og upplýsingar um fæðingarherbergið, verkjastillingu og fleira.

Upplýsingar um fæðingar á Norðurlöndum