Meðganga og fæðing í Finnlandi

Meðgönguvernd og tengd þjónusta býðst öllum sem eru barnshafandi í Finnlandi og fjölskyldum þeirra. Einnig er í boði ung- og smábarnavernd fyrir börn undir grunnskólaaldri og fjölskyldur þeirra. Meðgöngu-, ung- og smábarnavernd er án endurgjalds.

Ef þú vilt kynna þér greiðslur og bætur fyrir barnafjölskyldur í Finnlandi skaltu skoða síðuna Foreldrabætur í Finnlandi.

Á Álandseyjum gilda í meginatriðum sömu reglur og í Finnlandi. Þú getur kynnt þér muninn á álenska og finnska kerfinu á síðunni Meðganga og fæðing á Álandseyjum.

Á Álandseyjum er í meginatriðum fylgt sömu reglum og í Finnlandi. Á síðunni Meðganga og fæðing á Álandseyjum er farið yfir það sem er ólíkt með kerfinu á meginlandi Finnlands og á Álandseyjum.

Ef þú átt lögheimili í Finnlandi átt þú rétt á heilbrigðisþjónustu og skoðunum þér að kostnaðarlausu á meðgöngunni og eftir hana, á því velferðarsvæði sem lögheimilið tilheyrir. Í Finnlandi geta frumbyrjur komið í að lágmarki níu skoðanir á meðgöngunni hjá lækni og hjúkrunarfræðingi meðgönguverndar, og þær sem hafa áður fætt barn að lágmarki átta skoðanir. Þegar barnið er fætt eru að minnsta kosti 15 skoðanir hjá ung- og smábarnavernd í boði. Nánari upplýsingar um mæðra-, ungbarna- og smábarnavernd í Finnlandi eru á vefsvæði finnsku heilbrigðis- og velferðarstofnunarinnar.

Ef þú átt aðild að almannatryggingum í öðru norrænu landi og hefur tímabundna dvöl í Finnlandi átt þú rétt á á að fá nauðsynlega læknisþjónustu í Finnlandi, þar með meðgönguvernd. 

Nánari upplýsingar um rétt þinn til heilbrigðisþjónustu í Finnlandi eru á síðunni Réttur til heilbrigðisþjónustu í Finnlandi.

Fæðing fellur undir sérhæfða heilbrigðisþjónustu á vegum velferðarsvæða, sem íbúar hvers svæðis eiga rétt á. Ef þú átt aðild að almannatryggingum í öðru norrænu landi og dvelur tímabundið í Finnlandi átt þú rétt á heilbrigðisþjónustu vegna fæðingar gegn sama gjaldi og fólk með fasta búsetu á svæðinu. Gjaldtaka vegna fæðingar getur verið breytileg eftir svæðum.

Ef þú átt aðild að almannatryggingum í öðru norrænu landi getur þú sýnt fram á rétt þinn til heilbrigðisþjónustu vegna fæðingar í Finnlandi með því að framvísa gildum persónuskilríkjum og gefa upp fast heimilisfang þitt í öðru norrænu landi. Þú getur einnig sýnt fram á rétt þinn með því að framvísa evrópsku sjúkratryggingakorti. Nánari upplýsingar eru á síðunni Réttur til heilbrigðisþjónustu í Finnlandi.

Ef þú átt aðild að almannatryggingum í öðru ESB-landi getur þú komið til Finnlands til að fæða barn. Ef þú vilt koma til Finnlands til að fæða barn þarft þú að semja um það fyrir fram við viðkomandi þjónustuveitanda. Þú getur einnig sótt um fyrirframleyfi vegna fæðingarinnar í heimalandi þínu. Nánari upplýsingar eru á vefnum EU-healthcare.fi.

Nánari upplýsingar