Degi Norðurlanda fagnað á Norðurlöndum og í Eystrasaltsríkjunum

Norðurlönd eiga að verða sjálfbærasta og samþættasta svæði heims árið 2030. En hvernig náum við því á tímum sem einkennast af spennu í alþjóðastjórnmálum, loftslagsvanda og stafrænum áskorunum? Hvernig tryggjum við öflug lýðræðisleg samfélög þar sem ungt fólk hefur áhrif og upplifir öryggi?

Viðbúnaðarmál snúast ekki bara um varnarmál og krísuviðbrögð, þau snúast líka um að skapa sterkt samfélag þar sem við stöndum saman þvert á landamæri. Þess vegna bjóðum við sænskum, dönskum og baltneskum ungmennum til Ungdömsøen við Kaupmannahöfn þann 17. mars þar sem við munum ræða hvernig við getum aukið viðnámsþróttinn í samfélögum okkar. Unnið verður út frá tillögum Nordic-Baltic Youth Summit 2024 og innleggi frá Elzbietu Drazkiewicz, sem leiðir Nordic Disinformation Resilience Network á vegum NordForsk, og kafað verður ofan í málefni á borð við gervigreind, upplýsingaóreiðu, lýðræði og andlega heilsu.

Í ár verður degi Norðurlanda fagnað í finnska sendiráðinu í Stokkhólmi. Haldið verður málþing um viðbúnað á Norðurlöndum með áherslu á orkumál og græn umskipti og hlutverk þeirra þegar kemur að því að takast á við framtíðarógnir og -áskoranir í samfélögum okkar.

Hvað þýða Norðurlönd fyrir þig? Hvað viltu að Norðurlönd geri fyrir þig? Hvaða málum eiga Álandseyjar að beita sér fyrir í norrænu samstarfi?

Í ár verður degi Norðurlanda fagnað þann 20. mars á Álandseyjum með ókeypis eins dags dagskrá þar sem þátttakendur geti valið að taka þátt í þeim viðburðum sem vekja áhuga þeirra.

21. mars verður sjónum beint að unga fólkinu þegar Norræna menningargáttin, landsstjórn Álandseyja og Norræna ráðherranefndin bjóða níundubekkingum á Norræna bókasafnið í Kajsaniemi í Helsingfors.

Skipuleggjendur: Norræna ráðherranefndin, Articulatte, Norðurlandahúsið í Færeyjum, Norræna félagið í Finnlandi, Norræna menningargáttin o.fl.