Formennska í Norrænu ráðherranefndinni

Ljósmyndari

Magnus Fröderberg/Norden.org

Norðurlöndin fimm skiptast á að fara með formennsku í Norrænu ráðherranefndinni eitt ár í senn.

Norðurlöndin fimm fara með formennsku í eitt ár í senn í Norrænu ráðherranefndinni. Formennskan skiptist á milli landanna eftir sérstöku kerfi sem byrjar á Danmörku, þá kemur Finnland og svo Noregur, Svíþjóð og Ísland. Breyta má kerfinu með sérstakri ákvörðun hjá MR-SAM af fyrir því liggja sterk rök (t.d. í skörun við aðra formennsku í alþjóðlegu samstarfi).

Formennskulandið stýrir starfinu á samstarfssviðunum. Gerð er formennskuáætlun þar sem settar eru og kynntar pólitískar áherslur norræna ríkisstjórnarsamstarfsins næsta árið.

Forsætisráðherra næsta formennskulands kynnir formennskuáætlunina á Norðurlandaráðsþingi að hausti áður en formennskuárið hefst. Áætlunin er gefin út bæði á rafrænu sniði og á prenti.

Það land sem fer með formennsku í Norrænu ráðherranefndinni fer einnig með formennsku á fundum norrænu forsætisráðherranna það árið. Það sama á við um fundi utanríkis- og varnarmálaráðherranna sem haldnir eru án aðkomu Norrænu ráðherranefndarinnar. Á norrænum embættismanna gegnir formennskulandið einnig formennsku.