Störf hverfa og ný verða til, hvernig getur launafólk a Norðurlöndunum undirbúið þarfir framtíðarinnar? Norræna ráðherranefndin kallar saman sérfræðinga og aðila vinnumarkaðarins til að nýta nýjustu þekkingu við þróun lausna og vitundar.
Við þurfum að auka samkeppnishæfni á Norðurlöndum og tryggja að engin heltist úr lestinni.
Norræna vinnumarkaðslíkanið er þekkt fyrir samstarf milli hins opinbera og aðila vinnumarkaðarins. Gegnum árin hefur það tryggt öryggi, sveigjanleika og ríka aðlögunarhæfni – með mikilli atvinnuþátttöku, nýsköpun og hárri framleiðni.
Það stendur þó einnig frammi fyrir áskorunum: þörf á hröðum grænum og stafrænum umskiptum, breyttri aldurssamsetningu íbúa og aukinni alþjóðlegri samkeppni.
Þess vegna hefur Norræna ráðherranefndin komið á fót nýrri ráðgjafanefnd þar sem fulltrúar þessara aðila koma saman og eiga þríhliða viðræður á norrænum vettvangi. Verkefni nefndarinnar er að leita svara við tveimur mikilvægum spurningum sem skipta sköpum fyrir samkeppnishæfni Norðurlanda til framtíðar.
Spurningarnar eru:
• Hvernig sjáum við fyrir færni til framtíðar á Norðurlöndum?
• Hvernig búum við til kerfi sem þar sem er betra samræmi milli færni starfsfólks og þarfa atvinnulífsins?
• Norrænt tengslanet um símenntun
• Norræna rannsóknastofnunin í skipulags- og byggðamálum (NordRegio)
• Norræna rannsóknaráðið (NordForsk)
Norræna ráðherranefndin hefur komið á fót ráðgjafanefnd sem skipuð er fulltrúum aðila vinnumarkaðarins, svæðisbundinna aðila og menntageirans í löndunum.
Hjá Norræna tengslanetinu um símenntun (NLL) er að finna gagnlegt efni svo sem myndskeið, ráðleggingar og áhugahvetjandi efni.
„Það logar undir okkur vegna þeirrar færnigloppu sem ógnar nýsköpun okkar og samkeppnishæfni. Þess vegna skiptir sköpum að atvinnugeirar og löndin nýti norræna líkanið sameiginlega til að finna lausnir sem styrkja vinnumarkað framtíðar.“
- Karen Ellemann, framkvæmdastjóri Norrænu ráðherranefndarinnar
Frekari upplýsingar veitir:
Andreas Bojsen
Aðalráðgjafi/Þekkingar- og velferðardeild
+45 60 39 71 89
andboj@norden.org
