Hafið bindur Norðurlönd saman – og tengir okkur við umheiminn. Með þessu þverlæga átaksverkefni beitir Norræna ráðherranefndin sér fyrir sjálfbærri stjórnun hafsvæða til að efla svæðisbundið samstarf og stuðla að hnattrænum lausnum.
Havsbild tagen av Johannes Jansson.
Á Norðurlöndum býr mikill nýsköpunarkraftur til að efla sjálfbært sjávarhagkerfi og græn umskipti með inngildingu og sanngirni að leiðarljósi. Með því að samhæfa aðgerðir okkar getum við látið til okkar taka og veitt öðrum svæðum innblástur.
Þetta útheimtir enn öflugra samstarf, aukna þekkingu og samþættari og sjálfbærari stjórnun hafsvæða. Norræna ráðherranefndin er helsta verkfærið til svæðisbundins samstarfs milli norrænu landanna og við ættum einnig að nýta hana í samstarfi um málefni hafsins.
Yfirlýsing Norrænu ráðherranefndarinnar á hafráðstefnu Sameinuðu þjóðanna
Hafið skiptir sköpum fyrir heilsu manna og jarðarinnar, loftslagið, fæðuöryggi, lífsviðurværi fólks og hagkerfi heimsins. Norrænu löndin; Danmörk, Finnland, Færeyjar, Grænland, Ísland, Noregur, Svíþjóð og Álandseyjar, gera sér grein fyrir því að vernda verður hafið, ekki aðeins sem auðugt náttúrulegt vistkerfi heldur einnig sem sjálfbæra matvælaauðlind.
Norrænu umhverfis- og loftslagsráðherrarnir eiga frumkvæði að ráðherrayfirlýsingu um líffræðilega fjölbreytni, hafið og loftslagsmál.
Í vistkerfisnálgun á stjórnun hafsvæða þarf að taka mið af afleiðingum loftslagsbreytinga og öðrum áhrifaþáttum, auk þess að hafa góða aðlögunarhæfni þegar breytingar eiga sér stað.
Nánari upplýsingar veitir:
Tine Due Hansen
Project Officer
tinhan@norden.org
+45 27 10 94 36
