Helgidagar á Íslandi

Helgidagar eru svo til þeir sömu á öllum Norðurlöndum. Þó þarf að hafa í huga að skírdagur, annar dagur páska og annar í hvítasunnu eru helgidagar á Íslandi, ólíkt því sem er sums staðar á Norðurlöndum. 

Alla jafna eiga starfsmenn á flestum vinnustöðum frí á helgidögum:

• 1. janúar: Nýársdagur
• Mars–apríl: Páskar: Skírdagur, föstudagurinn langi, páskadagur og annar í páskum. Páskadagur getur fyrst verið 22. mars og síðast 25. apríl
• Apríl: Sumardagurinn fyrsti er alltaf á fyrsta fimmtudegi eftir 18. apríl. 
• Apríl – júní: Uppstigningardagur. Er 40 dögum eftir páskadag, alltaf á fimmtudegi, getur fyrst verið 30. apríl og síðast 3. Júní
• Maí: Fyrsti maí – verkalýðsdagurinn
• Maí–júní: Hvítasunnudagur og annar í hvítasunnu. Hvítasunnudagur er sjöundi sunnudagur eftir páska, getur fyrst verið 10. maí og síðast 13. Júní
• Júní: 17. júní – Þjóðhátíðardagur Íslands
• Ágúst: Frídagur verslunarmanna – Fyrsti mánudagur í ágústmánuði
• Desember: 24. desember (frá kl. 13), 25. desember – Jóladagur, 26. desember - Annar í jólum og 31. desember (frá kl. 13) - Gamlársdagur

Það er mismunandi hvaða verslanir eru opnar þessa daga, en vanalega er flest lokað á Nýársdag, föstudaginn langa, 24. og 31. desember (eftir kl 13) og 25-26. desember. 

• 6. janúar: Þrettándinn – síðasti dagur jóla, víðsvegar eru haldnar brennur og síðustu flugeldunum skotið upp.
• Janúar: Bóndadagur, upphaf Þorra, alltaf á föstudegi í 13 viku vetrar samkvæmt gömlu íslensku mánuðunum, ber yfirleitt upp 19-25. janúar 
• Febrúar: Konudagurinn, upphaf Góu, ber upp á sunnudegi á milli 18-25. febrúar 
• Febrúar–mars: Bolludagur, Sprengidagur og Öskudagur, Bolludagurinn er alltaf á mánudegi 7 vikum fyrir páska, þá eru borðaðar rjómabollur. Sprengidagur kemur fast á eftir á þriðjudeginum og þá er saltkjöt og baunir á borðum landsmanna. Öskudagur er síðastur í röðinni á miðvikudeginum, þá klæða börn sig í grímubúninga, slá köttinn úr tunnunni og syngja fyrir góðgæti í verslunum.
• Mars: Kváradagurinn eða kynsegindagurinn, upphaf einmánaðar sem ber upp á milli 20-26. mars
• 23. mars: Dagur Norðurlanda
• Annar sunnudagur í maí: Mæðradagurinn í Danmörku, Finnlandi, Færeyjum, Grænlandi og Íslandi. Í Noregi er mæðradagur annan sunnudag í febrúar og í Svíþjóð síðasta sunnudaginn í maí
• 9. maí: Evrópudagurinn
• 1. júní: Sjómannadagurinn
• 23. júní: Jónsmessunótt
• Ágúst: Reykjavík Pride og Menningarnótt
• 23. september: Vestnorræni dagurinn
• Október: Fyrsti vetrardagur, ber upp 21-27. október
• Nóvember: Feðradagur, ber upp á öðrum sunnudegi í nóvember
• 16. nóvember: Dagur íslenskrar tungu, haldinn á afmælisdegi Jónasar Hallgrímssonar skálds
• 1. desember: Fullveldisdagurinn