Leiðbeiningar: nám á Álandseyjum

Skólakerfið á Álandseyjum samanstendur af leikskóla, grunnskóla, menntaskóla, háskóla (fagháskólanámi og námskeiðum) og lýðháskóla.Þú finnur lista yfir alla skóla á Álandseyjum og lista yfir þá á síðunni „Skólakerfið á Álandseyjum“.

Samningur Norðurlanda um aðgang að æðri menntun tryggir öllum Norðurlandabúum rétt til að sækja um nám í opinberum háskóla í öðru norrænu landi samkvæmt sömu eða sambærilegum skilyrðum og íbúar viðkomandi lands.

Á Álandseyjum er gerð krafa um B1-stig í sænsku en norrænir nemendur eru undanskildir þessari kröfu.Í sameignlegri umsóknargátt Álandseyja er hægt að sækja um pláss í leikskjóla Álandseyja, framhaldsskólanum á Álandseyjum og verkmenntaskólanum á Álandseyjum. Þú getur lesið þér til um umsóknir og inntökukröfur á vefsíðu framhaldsskóla Álandseyja.

Þú getur lesið þér til um umsóknir og inntökukröfur fyrir háskólann á Álandseyjum með tenglinum hér að neðan.

Medborgarinstitutet (Medis) býður upp á sænskunámskeið fyrir fólk sem hefur annað móðurmál en sænsku, sem getur meðal annars nýst sem undirbúningur fyrir nám í skóla þar sem kennsla fer fram á sænsku. Sænska er töluðum í öllum skólum á Álandseyjum.

Hér má finna upplýsingar um þá einkunnakvarða sem eru notaðir á Álandseyjum. Gefnar eru upplýsingar um einkunnakvarða í grunnskólum á Álandseyjum, menntun á framhaldsskólastigi á á Álandseyjum, verkmenntaskólanum á Álandseyjum og háskólanum á Álandseyjum og umreikning norrænna einkunna yfir á einkunnakvarða Álandseyja.Ef þú sækir um nám á Álandseyjum með norrænu einkunnaskírteini þarftu ekki að umreikna einkunnirnar þínar yfir á einkunnakvarða Álandseyja.

Hér geturðu lesið um námsmannaíbúðir á Álandseyjum, húsnæðisstyrk Álandseyjum og skilyrði hans. Mundu að senda flutningstilkynningu á réttum tíma. Þú getur sent flutningstilkynningu einum mánuði fyrir fram eða í síðasta lagi einni viku eftir flutning.

Hér geturðu lesið um hvernig þú getur fjármagnað nám þitt ef þú ferð til Álandseyja til að stunda nám. Kynntu þér þá fjárhagslegu aðstoð sem stendur til boða, sem eru meðal annars námsstyrkur, námsstyrkur fyrir fullorðna, húsnæðisstyrkur, framfærslustyrkur og fleira. Á Álandseyjum gilda lög um námsstyrki sem líkjast þeim sem gilda á Finnlandi. AMS hefur umsjón með öllum málum tengdum námslánum á Álandseyjum. Þú þarft að uppfylla viss skilyrði til að eiga rétt á námsstyrk á Álandseyjum.

Ef þú hyggst vinna með námi gætu almannatryggingar þínar flust til landsins sem þú starfar í. Lestu meira á síðunni „Almannatryggingar hvaða lands gilda um þig“?

Ef þú komst til Álandseyja frá öðru norrænu landi til að stunda nám telst dvölin alla jafna vera tímabundin. Þá fellur þú undir almannatryggingar brottfararlandsins. Nemendur frá Norðurlöndum eiga rétt á heilbrigðisþjónustu á Álandseyjum.

Hér eru gefnar upplýsingar um hvernig þú færð erlenda prófgráðu viðurkennda á Álandseyjum. Einnig eru gefnar upplýsingar um mat á menntun á Álandseyjum.

Námsmannasamtökin Studerandekåren aðstoða námsfólk í háskólanum á Álandseyjum.