Hildur Guðnadóttir
Hildur Guðnadóttir (fædd1982) er íslenskur sellóleikari, tónskáld og söngkona sem hefur verið að hasla sér völl sem einn af helstu tónlistarmönnunum á sviði tilraunakenndrar popptónlistar og samtímatónlistar. Í einleiksverkum sínum dregur hún fram hljóð sem spanna vítt svið, allt frá því að vera áleitin í einfaldleika sínum til þess að vera margbrotin. Hildur byrjaði að spila á selló sem barn og gekk í Tónlistarskóla Reykjavíkur. Í framhaldi af því fór hún í Listaháskóla Íslands og Listaháskóla Berlínar (Universität der Künste) til þess að læra tónfræði/tónsmíðar og nýmiðlun. Hildur hefur gefið út þrjá diska og hlotið mikið lof fyrir. Auk þess hefur hún samið tónlist fyrir leikhús, dans og kvikmyndir. Sinfóníuhljómsveit Íslands, Þjóðleikhúsið, Tate Modern-listasafnið, Kvikmyndastofnun Bretlands, Konunglega sænska óperan í Stokkhólmi og Borgarleikhúsið í Gautaborg eru meðal þeirra stofnana sem hafa fengið Hildi til að semja fyrir sig. Hún vann Grímuverðlaunin 2011 fyrir tónlist sína í Lé konungi og árið 2012 var hún tilnefnd til Róbertverðlaunanna (dönsk kvikmyndaverðlaun) fyrir frumsamið verk í myndinni A Hijacking.