Kvikmyndaverðlaun Norðurlandaráðs 2022: Kynnist hinum tilnefndu í Kino Regina

Norrænu kvikmyndirnar sem tilnefndar eru til kvikmyndaverðlauna Norðurlandaráðs 2022 verða kynntar í Helsingfors daginn fyrir verðlaunahátíðina. Takið þátt í umræðum með kvikmyndagerðarfólkinu um tilurð myndanna. Hver var hugmyndin upphaflega og hvernig var ferlið að þessum einstöku myndum sem snerta við fólki þvert á landamæri? Um hvað snýst norræn kvikmyndagerð í dag og hvernig tryggjum við líf í kvikmyndagerð okkar í framtíðinni?

Fundarstjóri verður Liselott Forsman, framkvæmdastjóri norræna kvikmynda- og sjónvarpssjóðsins, og mun hún setja viðburðinn ásamt formanni dómnefndarinnar, Mikaelu Westerlund, framkvæmdastjóra Walhalla ry.

Tilnefningar ársins 2022:

VOLAÐA LAND

• Leikstjóri: Hlynur Pálmason
• Handritshöfundur: Hlynur Pálmason
• Framleiðendur: Katrin Pors, Mikkel Jersin, Eva Jakobsen, Anton Máni Svansson, Snowglobe, Join Motion Pictures

BLINDI MAÐURINN SEM VILDI EKKI SJÁ TITANIC

• Leikstjóri: Teemu Nikki
• Handritshöfundur: Teemu Nikki
• Framleiðandi: Jani Pösö, It’s Alive Films

DÝRIÐ

• Leikstjóri: Valdimar Jóhannsson
• Handritshöfundur: Valdimar Jóhannsson, Sjón
• Framleiðendur: Hrönn Kristinsdóttir, Sara Nassim, Go to Sheep

VERSTA MANNESKJA Í HEIMI

• Leikstjóri: Joachim Trier
• Handritshöfundar: Eskil Vogt, Joachim Trier
• Framleiðendur: Thomas Robsahm, Andrea Berentsen Ottmar, Oslo Pictures

CLARA SOLA

• Leikstjóri: Nathalie Ávarez Mesén
• Handritshöfundar: Nathalie Ávarez Mesén, Maria Camila Arias
• Framleiðandi: Nima Yousefi, Hobab

Tilkynnt verður um sigurvegarann daginn eftir málþingið. Verðlaunahátíðin fer fram í Musikhuset að kvöldi 1. nóvember og í kjölfarið verður móttaka í boði finnsku ríkisstjórnarinnar. Sem formennskuland í Norðurlandaráði í ár heldur Finnland verðlaunahátíð ársins en þar verður 70 ára afmæli Norðurlandaráðs fagnað. Verðlaunahátíðin verður send út í öllum norrænu löndunum.