Norskar dánarbætur
Í sumum tilvikum getur þú átt rétt á bótum við fráfall aðstandanda. Meginreglan er sú að þú sért almannatryggð/ur í Noregi til þess að eiga rétt á dánarbótum eða aðlögunaraðstoð fyrir eftirlifandi maka. NAV (vinnumála- og velferðarstofnunin) annast greiðslur dánarbóta til aðstandenda.
Áttu rétt á dánarbótum við fráfall maka?
Réttur þinn á bótum við fráfall maka ræðst af lengd hjónabandsins og hvort þið eigið börn. Meginreglan er sú að hinn látni hafi verið almannatryggð/ur í Noregi síðustu þrjú árin fyrir andlátið.
Hafi hjón verið gift í það minnsta fimm ár og átt barn saman á eftirlifandi maki rétt á dánarbótum en þær eru reiknaðar út frá áunnum rétti hins látna/hinnar látnu hjá norskum almannatryggingum. Skráð sambúð með sameiginlegum börnum er lögð að jöfnu við hjónaband. Hafi hjónabandið staðið skemur en fimm ár og án sameiginlegra barna geturðu átt rétt á aðlögunaraðstoð fyrir eftirlifandi maka.
Sambýlingar þurfa að vera skráðir til heimilis á sama stað.
Þú sækir um greiðslurnar hjá almannatryggingum í landinu sem þú býrð í. Ef þú býrð í Noregi finnurðu umsóknareyðublað á þjónustusíðu NAV. Nánari upplýsingar um dánarbætur og umsóknareyðublöð í tenglunum hér að neðan.
Áttu rétt á dánarbótum við fráfall foreldris?
Barn sem missir annað eða báða foreldra sína getur átt rétt á barnalífeyri. Barnalífeyrir á að tryggja afkomu barnsins og sér NAV um greiðslurnar.
Hvað verður um ellilífeyri maka við andlát?
Réttur til ellilífeyris frá norskum almannatryggingum helst til æviloka og lýkur við andlát. Með öðrum orðum þá erfist hann ekki. Eftirlifandi maki getur sótt um dánarbætur.
Hvar geturðu fengið svör við spurningum þínum?
Hafðu samband við NAV ef þú ert með spurningar um dánarbætur til eftirlifandi maka eða barnalífeyri.
Ef þú ert með spurningu eða ef þú hefur rekist á hindrun í norrænu landi skaltu fylla út eyðublað okkar.
ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.
