Grunnskólar á Íslandi

Suomen etuudet lapsiperheille
Öllum börnum og unglingum, að jafnaði á aldrinum 6 til 16 ára, er skylt að sækja grunnskóla. Hér má finna almennar upplýsingar um grunnskóla.

Skólaskylda

Skólaskylda á grunnskólastigi er að jafnaði í tíu ár. Skólaárið er að jafnaði níu og hálfur mánuður frá síðustu viku ágústmánaðar til og með fyrstu viku júní. Í öllum skólum er jóla- og páskaleyfi og flestir skólar taka auk þess nokkra daga í vetrarfrí.

 

Grunnskóli

Þegar barn er skráð í grunnskóla er það gert rafrænt í gegnum það sveitarfélag sem barnið býr í. 

Lögð er áhersla á að allir nemendur fái nám við sitt hæfi í grunnskólanum. Nemendur sem eiga við náms-, félags- eða tilfinningalega erfiðleika og/eða fötlun eiga rétt á sérstökum stuðningi í námi.

Kennsla í erlendum tungumálum hefst með ensku í fjórða bekk og dönsku í sjöunda bekk. Nemendur með góðan grunn í sænsku eða norsku geta valið þau tungumál í stað dönskunnar með samþykki skólans. Flestir skólar bjóða upp á önnur tungumál sem valfag í 10. bekk.

 

Móðurmál

Nemendur með annað móðurmál en íslensku eiga rétt á stuðningi og sérkennslu í íslensku. Oft er miðað við tvo tíma á viku. Móttökudeildir fyrir nýbúa eru starfræktar í þremur grunnskólum í Reykjavík.

 

Skóladagvist

Boðið er upp á skóladagvist eftir að skóladegi lýkur fyrir nemendur í 1. – 4. bekk. Foreldrar greiða fyrir þjónustuna. Flestir skólar bjóða upp á máltíðir í hádegi gegn vægu gjaldi. Heilsugæsla í skólum er veitt án endurgjalds.

 

Nánari upplýsingar

Upplýsingar um grunnskóla á Íslandi má finna á vefsíðu Mennta- og menningarmálaráðuneytis og á vefsíðu þess sveitarfélags sem flytja á til.

Spurning til Info Norden

Ef þú ert með spurningu skaltu fylla út eyðublaðið hérna:

ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.

Info Norden er upplýsingaþjónusta Norrænu ráðherranefndarinnar. Við gefum upplýsingar til fólks sem vill flytja, vinna, stunda nám, leita styrkjum eða hefja rekstur í öðru norrænu landi.
Leitaðu að skrifstofu Info Norden hérna