Kimmo Pohjonen

Finnski ævintýramaðurinn Kimmo Pohjonen (fæddur 1964) er þekktur fyrir byltingarkennda harmoníkutónlist sína, hljóð og tónleika. Pohjonen er innblásinn tónlistarmaður með takmarkalausa sköpunargáfu og með rætur í margs kyns tónlist, allt frá þjóðlagatónlist og sígildri tónlist til rokk-, tilrauna- og leikhústónlistar. Árið 2014 hélt Pohjonen upp á fimmtugsafmæli sitt með tónleikum með Kronos-kvartettinum og sannkallaðri flugeldasýningu verka frá öllum ferlinum, þar á meðal Uniko með Proton-strengjakvartettinum, Bright Shadow med balletdansaranum Minna Tervamäki, Accordion Wrestling og Earth Machine Music.

Pohjonen hefur unnið með þekktum alþjóðlegum tónlistarmönnum á borð við Kronos-kvartettinn og Pat Mastelotto og Trey Gunn úr King Crimson. Heimildamyndin Soundbreaker sem fjallar um Pohjonen hefur verið sýnd í meira en þrjátíu löndum. Pohjonen tók þátt í að semja tónlistina fyrir myndina Jade Warrior frá árinu 2005 sem vann finnsku Jussi-kvikmyndaverðlaunin. Pohjonen hefur komið fram í nokkrum af þekktustu tónleikahúsum heims, þar á meðal The Proms/Royal Albert Hall, Barbican, Lincoln Center og Carnegie Hall.