Magnus Lindgren

Magnus Lindgren er tilnefndur fyrir Nordic Big Band Inferno, glæsilega svítu fyrir stórsveit og kór en hún var tilbúin í núverandi mynd árið 2016. Magnús sækir innblástur í sögu sem hann skáldaði sjálfur. „Í ókominni framtíð þegar styrjöld brýst út á Norðurlöndum er skipaður her tónlistarfólks sem beitir djass og tónlist til að stilla til friðar milli þjóðanna.“

Magnus leikur sér með staðsetningu stórsveitarmanna í rýminu og áhrif hennar á tónlistina, spunann og samskiptin. Aðdráttarafl myndast þegar kórinn og stórsveitin mætast. Tvenns konar tónlist og hljóðfæraskipan, gjörólík menning og kraftur. Til viðbótar kemur einsöngvari og harpa.

Magnus Lindgren byggir verk sitt á spennandi sögu um Norðurlönd. Stórsveit, kór, harpa og einsöngvari eru nýtt til fullnustu til að segja söguna á einstakan, himneskan, stundum gamansaman en jafnframt smekklegan hátt. 
Nýstárlegir hljómar og dásamlegar laglínur einkenna verkið þar sem Magnus tekst að leiða saman gamla stórsveitarhefð og snilldarlegar nýjungar.

Öllu er vafið fallega inn í snotra öskju þar sem einleikarar og kór mynda gullbandið utan um gjafapappír prýddum stórsveitarmyndum.