Ökuskírteini í Svíþjóð

Þú þarft að vera orðin/n 18 ára og vera með gilt ökuskírteini til þess að mega aka bíl í Svíþjóð.

Tegundir ökuskírteina í Svíþjóð

Umferðarstofa (Transportstyrelsen) gefur út ökuskírteini í Svíþjóð. Í Svíþjóð gilda alþjóðlegir staðlar um ökuskírteinisflokka. Mismunandi aldurskröfur gilda um mismunandi flokka. Á vefsíðu Transportstyrelsen má finna upplýsingar um ökuskírteini og hvaða kröfur þarf að uppfylla til að mega aka bíl í Svíþjóð.

Einstaklingur getur aðeins tekið bílpróf þar sem hann er skráður í þjóðskrá. Ef þú vilt taka ökupróf í Svíþjóð þarftu að vera skráð(ur) með lögheimili þar í landi.

Þú þarft að kanna hvaða kröfur gilda fyrir þann flokk sem þú hefur áhuga á og sækja um ökuskírteinisleyfi. Þú getur notað gilt ökuskírteinisleyfi til að stunda æfingaakstur og fara í ökupróf í Svíþjóð. Þetta á bæði við þegar ökupróf er tekið í fyrsta sinn og þegar á að endurnýja eða sækja aftur um ökuréttindi.

Ef þú ert með erlent ökuskírteini veitir það þér rétt til að aka bíl í Svíþjóð. Þú þarft alltaf að hafa ökuskírteinið meðferðis þegar þú ekur bíl.

Ökuskírteini frá ESB- og EES-löndum

Ef þú ert með ökuskírteini frá ESB- eða EES-landi er það tekið gilt svo lengi sem það er í gildi í útgáfulandi þess og að því gefnu að þú hafir ekki skipt yfir í sænskt ökuskírteini. Ökuskírteinið gildir einnig þótt þú sért með lögheimili í Svíþjóð.

Ökuskírteini sem gefin eru út í Danmörku, Finnlandi, á Íslandi eða í Noregi eru gild í Svíþjóð ef:

• ökuskírteinið er gilt í því landi sem það er gefið út í
• ökuskírteininu hefur ekki verið skipt út fyrir sænskt ökuskírteini
• viðkomandi hefur ekki fengið sænskt ökuskírteini sem hefur verið tekið af honum eða afturkallað.

Ökuskírteini frá landi utan ESB/EES

Ef ökuskírteinið er gefið út í landi utan ESB/EES gildir það í Svíþjóð svo lengi svo lengi sem það er í gildi í útgáfulandi þess og að því gefnu að þú hafir ekki skipt yfir í sænskt ökuskírteini. Ökuskírteinið gildir ekki í Svíþjóð ef þú hefur verið með lögheimili í Svíþjóð í meira en ár.

Endurnýjum ökuskírteinis í Svíþjóð

Ökuskírteini gilda í takmarkaðan tíma og þau þarf að endurnýja áður en gildistíma lýkur. Ökuskírteini í Svíþjóð gilda í tíu ár í senn. Frekari upplýsingar um endurnýjum ökuskírteina í Svíþjóð eru á vefsíðu Transportstyrelsen.

Ef þú missir ökuskírteinið eða þarft að endurnýja það getur þú ekki fengið það útgefið í Svíþjóð ef þú hefur flutt úr landi. Ef þú reynir að endurnýja sænska ökuskírteinið í öðru norrænu ríki þegar það er útrunnið þarftu að sækja aftur um ökuréttindi í heimalandinu.

Nánari upplýsingar um endurnýjun ökuskírteina á Norðurlöndum er að finna hjá eftirfarandi yfirvöldum.

Hægt er að skipta ökuskírteini frá öðru norrænu ríki út fyrir sænskt ökuskírteini sé ökuskírteinið gilt í Svíþjóð og viðkomandi búsettur í Svíþjóð ótímabundið. Skipta þarf erlendu ökuskírteini út fyrir sænskt ökuskírteini áður en það erlenda rennur út.

Athugaðu að ökuskírteinum sem gefin eru út í Færeyjum eða á Grænlandi er ekki hægt að skipta út fyrir sænsk ökuskírteini.

Ef þú býrð tímabundið í Svíþjóð skaltu ekki skipta yfir í sænskt ökuskírteini heldur halda ökuskírteininu frá heimalandi þínu.

Venjulegt ökuskírteini gildir á öllum Norðurlöndum, í ESB og í Sviss og Liechtenstein.

Ef þú flytur til annars norræns lands og ert með sænskt ökuskírteini þarftu að skipta sænska skírteininu út fyrir ökuskírteini sem gefið er út í landinu sem þú býrð í áður en sænska ökuskírteinið rennur út. 

Ef þú dvelst í landi utan ESB eða EES í lengri tíma og ætlar að aka bæl skaltu kanna hvort þú þurfir alþjóðlegt ökuskírteini. Þú getur haft samband við sendiráðið í viðkomandi landi til að fá nánari upplýsingar.

Alþjóðlegt ökuskírteini kemur ekki í staðinn fyrir almenna ökuskírteini en er sönnun þess að viðkomandi megi aka bíl. Það er því nauðsynlegt að hafa einnig almenna ökuskírteinið meðferðis. Hafðu í huga að þú gætir þurft fleiri en eitt alþjóðlegt ökuskírteini ef þú ætlar að aka í fleiri en einu landi í sömu ferð.