Green IQ

Færeyska fyrirtækið Green IQ hefur þróað áhrifaríka og örugga lausn, GreenArc, til að skilja olíu úr vatni í skipum. GreenArc hreinsar olíu úr frárennslisvatni án þess að nota kemísk efni eða síur. Þetta dregur úr orkunotkun og kostnaði við hreinsun og einnig úr þeirri freistingu að veita menguðu vatni í sjóinn. Aðferðir Green IQ eru vottaðar af DNV-GL og einkaleyfisverndaðar í Evrópu, Bandaríkjunum, Kína og víðar. GreenArc er nú í notkun um borð í 30 skipum, hefur verið pantað í fleiri og greinilegt að útgerðir sjá sér hag í notkun þess. Einnig er mögulegt að yfirfæra það til notkunar í höfnum og fiskeldi. Green IQ er gott dæmi um hvernig lítið norrænt fyrirtæki getur lagt sitt af mörkum til lausnar eins umfangsmesta umhverfisvanda heims.