Grunnskólar í Danmörku

Svenske børnepenge
Hér er að finna upplýsingar um danska grunnskólann, Folkeskolen.

Fræðsluskylda

Í Danmörku er engin skólaskylda heldur er það réttur og skylda allra barna á fá kennslu.

Fræðsluskyldan er í tíu ár og hefst 1. ágúst á sama almanaksári og barnið verður sex ára.

Skyldubundin kennsla getur verið

  • í grunnskólanum, sem er ókeypis
  • í frískólum eða  einkaskólum þar sem foreldrar greiða fyrir kennsluna
  • sem heimakennsla.

Auk þess eru til heimavistarskólar og svonefndir eftirskólar þar sem nemendur búa á heimavist.

Grunnskólinn

Grunnskólinn er tíu ára skóli, forskólabekkur  (0. bekkur) og 1.-9. bekkur ásamt valfrjálsum 10. bekk.

Þegar þú býrð í Danmörku áttu rétt á að barnið þitt gangi í grunnskóla í því skólahverfi sem fjölskyldan býr eða dvelur í.

Þið getið valið annan grunnskóla en hverfisskólann, jafnvel í öðru sveitarfélagi að því gefnu  að laust pláss sé í skólanum.

Nánari upplýsingar veitir sveitarfélagið.

    Frískólar,  einkareknir grunnskólar, eftirskólar og frjálsir fagskólar

    Frískólar og einkareknir grunnskólar eru námsframboð á vegum einkaaðila með greiðsluskyldu fyrir kennslu, og ef það á við  búsetu. Nemendur geta búið á frískólum (6.-10. bekk), eftirskólum 8.-10. bekk) og frjálsum fagskólum (10. bekkur og áfram)

    Alþjóðlegir grunnskólar í Danmörku

    Í Danmörku eru margir alþjóðlegir skólar þar sem kennslan fer fram á erlendum tungumálum.

    Flestir alþjóðlegir skólar eru stofnaðir í samræmi við reglur um einkaskóla og fá ríkisstyrk. Þá krefjast þeir skólagjalda en þau geta numið  allt frá um  15.000 til 80.000 danskra króna á ári.

    Meðal nemenda í alþjóðlegum skólum geta verið dönsk börn sem vilja fá kennslu á erlendu tungumáli en einnig útlensk börn sem kunna ekki dönsku. Þrátt fyrir að kennslan fari fram á erlendu tungumáli, er yfirleitt einnig boðið upp á aukakennslu fyrir erlenda nemendur í dönsku og danskri menningu.

    Sótt er um skólavist í alþjóðlegum skólum hjá hverjum skóla fyrir sig. Sumir skólar eru afar vinsælir og með biðlista, þess vegna er ráðlegt að hafa samband við skólann eins snemma og kostur er.

    Nánari upplýsingar

    Samband við yfirvöld

    Þú getur leitað til sveitarfélagsins með spurningar sem varða skólagöngu barnsins þíns í danska grunnskólanum.

    Spurning til Info Norden

    Ef þú ert með spurningu skaltu fylla út eyðublaðið hérna:

    ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.

    Info Norden er upplýsingaþjónusta Norrænu ráðherranefndarinnar. Við gefum upplýsingar til fólks sem vill flytja, vinna, stunda nám, leita styrkjum eða hefja rekstur í öðru norrænu landi.
    Leitaðu að skrifstofu Info Norden hérna