Lífeyriskerfið í Færeyjum

Í Færeyjum eru ýmsar tegundir lífeyris. Yfirlit yfir þær finnurðu hér á þessari síðu. Nánari upplýsingar er hægt að nálgast hjá Almannaverkið.

Rétt á ellilífeyri öðlast einstaklingar sem náð hafa lífeyristökualdri. Lífeyristökualdurinn er enn sem komið er 67 ár. Ellilífeyrir skiptist í grunnlífeyri og tekjutryggingu. Allir einstaklingar sem náð hafa lífeyristökualdri og uppfylla almennar reglur um lífeyri eiga rétt á grunnlífeyri.

Nánari upplýsingar um færeyskan ellilífeyri og örorkubætur er að finna á vefsíðum Info Norden.

• Færeyskur ellilífeyrir
• Færeyskar örorkubætur

Einstaklingur með fasta búsetu í Færeyjum sem náð hefur lífeyristökualdri á rétt á greiðslum frá Samhaldsfasti. Lífeyristökualdurinn er 67 ár en mun hækka í áföngum á næstu árum. Rétturinn til greiðslu krefst búsetu í Færeyjum í eigi færri en 15 ár frá fimmtán ára aldri til lífeyristökualdurs.
Uppfylli einstaklingur ekki þessi skilyrði vegna búsetu erlendis eða of skammrar búsetu á landinu á hann rétt á 1/40 af Samhaldsfasti fyrir hvert ár sem hann hefur verið búsettur í Færeyjum. Rétt á greiðslum eiga einstaklingar sem hafa verið búsettir í Færeyjum í a.m.k. 3 ár frá fimmtán ára aldri til lífeyristökualdurs.
Samhaldsfasti er frábrugðinn færeyskum ellilífeyri og örorkubótum að því leyti að hann má greiða einstaklingum sem eru búsettir í Danmörku og á Grænlandi.

Vinnumarkaðslífeyrir er samkomulag milli aðila vinnumarkaðarins í kjarasamningum sem byggja á samningssviðum. Nánari upplýsingar um lífeyrismál á þínum vinnustað geturðu fengið hjá atvinnurekanda.
Viðbótarlífeyrissparnaður er séreignarsparnaður sem þú stofnar sjálf/ur til í banka þínum eða lífeyrissjóði allt eftir því hver atvinnurekandinn er.
Hafir þú spurningar um lífeyrissparnað geturðu haft samband við lífeyrissjóðinn þinn eða banka.


Nánari upplýsingar

• Færeyskur ellilífeyrir
• Færeyskar örorkubætur