Ökuskírteini í Noregi
Hvaða flokkar ökuskírteina eru í Noregi?
Í Noregi eru ökuskírteini flokkuð samkvæmt alþjóðlegum stöðlum. Aldurstakmörk eru mismunandi eftir flokkum. Gild ökuskírteini eru ökuskírteini samkvæmt EES-forskrift (plastskírteini í greiðslukortastærð) sem hafa verið gefin út frá árinu 1998.Statens vegvesen sér um útgáfu ökuskírteina í Noregi.
Að nota og skipta út erlendu ökuskírteini í Noregi
Þegar þú sest að í Noregi er heimilt að nota ökuskírteini frá ESB-/EES-löndum, Bretlandi og Sviss, að því gefnu að ökuskírteinið sé í gildi. Ökuskírteini frá löndum utan ESB/EES gilda yfirleitt í þrjá mánuði.
Ef ökuskírteinið þitt er gefið út í öðru ESB-/EES-landi, Bretlandi eða Sviss gildir það alla jafna til aksturs í Noregi svo framarlega sem það er í gildi. Þegar þú sest að í Noregi er þér heimilt að nota ökuskírteinið til aksturs í Noregi eða fá því skipt fyrir norskt ökuskírteini.
Ef þú hefur réttindi til að aka ökutækjum í flokki þungra ökutækja (vörubílar og rútur) á erlenda ökuskírteininu gilda þeir flokkar þar til ökuskírteinið rennur út eða í fimm ár frá því að þú hófst fasta búsetu í Noregi, eftir því hvort á sér stað fyrr.
Vinnuferðalangar frá öðrum ESB-/EES-löndum geta notað ökuskírteini frá heimalandinu ef það gildir þar í landi. Ökuskírteini eru endurnýjuð í búsetulandinu.
Ef ökuskírteinið þitt er frá ríki utan ESB/EES getur þú alla jafna notað það í þrjá mánuði frá komu til landsins, bæði ef um tímabundna dvöl er að ræða eða varanlegan flutning. Ökuskírteinið verður að vera í gildi og uppfylla verður reglur um aldur sem gilda í Noregi.
Ert þú með ökuskírteini frá Ástralíu, Grænlandi, Ísrael, Japan, Kanada, Mónakó, Nýja-Sjálandi, San Marínó eða Suður-Kóreu? Þú getur sótt um að skipta -ökuskírteininu þínu út. Nánari upplýsingar fást á tenglunum hér að neðan.
Hvernig sæki ég um ökuskírteini í Noregi?
Viltu fá ökuskírteini á hefðbundinn hátt í Noregi? Þú getur kynnt þér hvernig þú sækir um ökuskírteini, mismunandi flokka, bóklega prófið, ökuprófið o.fl. hjá Statens vegvesen.
Allt ökunám sem nauðsynlegt er til að sækja um ökuskírteini þarf að fara fram hjá löggildum umferðarskóla.
Sérstakar reglur gilda um atvinnubílstjóraréttindi.
Gildistími og endurnýjun ökuskírteinis
Ökuskírteini sem eru gefin út eftir árið 2013 er gild í fimmtán ár ef heilsufarsástæður gefa ekki ástæðu til annars. Gildistími þyngri flokka ökuskírteina er yfirleitt fimm ár. Réttindaflokkar eru endurnýjaðir með heilbrigðisvottorði.
Frá 80 ára aldri verður að endurnýja ökuskírteini með heilbrigðisvottorði og hægt er að endurnýja það í allt að þrjú ár í senn.
Hafi ökuskírteini þitt verið gefið út á tímabilinu 1998 til 2013 og það er í gildi til 100 ára afmælis þíns þarftu að endurnýja það fyrir árið 2033 eða áður en þú verður 80 ára.
Ef þú þarft að taka nýja mynd fyrir nýtt ökuskírteini þarftu að panta tíma á umferðarstöð og taka myndina þar.
Ef þú þarft að endurnýja ökuskírteini með heilbrigðisvottorði getur þú sent það til Statens vegvesen og pantað nýtt ökuskírteini á www.vegvesen.no.
Óháð aldri umsækjanda er læknum skylt að senda tilkynningu til fylkisstjóra ef þeir telja að umsækjandi uppfylli ekki tilskilin heilbrigðisskilyrði. Þú finnur heilbrigðisvottorð og upplýsingar um heilsu og ökuskírteini á vefsíðum Helsedirektoratet.
Norskt ökuskírteini í útlöndum
Norsk ökuskírteini sem eru gefin út samkvæmt EES-forskrift (plastkort í greiðslukortastærð) gildir til aksturs í öllum ESB- og EES-löndum.
Mörg lönd utan ESB/EES-svæðisins viðurkenna EES-ökuskírteini. Í sumum löndum gætir þú þurft alþjóðlegt ökuskírteini til viðbótar við venjulega ökuskírteinið þitt. Hafðu samband við þarlend yfirvöld eða sendiráð Noregs á staðnum til að ganga úr skugga um reglurnar áður en þú leggur af stað.
Hér má finna nánari upplýsingar
Ef þú ert með spurningu eða ef þú hefur rekist á hindrun í norrænu landi skaltu fylla út eyðublað okkar.
ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.