Taktu þátt í að vekja athygli á Norðurlöndum!

Á þessari síðu má finna rásir Norðurlandaráðs, ábendingar og efni til að miðla um þing Norðurlandaráðs.

Þingin eru mikilvægur fundarvettvangur norræns samstarfs. Sem þingmaður í Norðurlandaráði ertu sendiherra fyrir samfélag okkar, bæði í umræðum og á samfélagsmiðlum.

Hér færðu hagnýt ráð um hvernig þið sem þingmenn getið notað samfélagsmiðla á áhrifaríkan hátt. Markmiðið er að gera norrænt samstarf sýnilegt og miðla upplýsingum um það sem er að gerast á þingunum. Í stuttu máli:

Fylgdu Norðurlandaráði á samfélagsmiðlum og hjálpaðu okkur að dreifa upplýsingum um norrænt samstarf.
Taktu þátt, deildu færslum okkar og vertu með í umræðum.
Náðu í myndir úr myndabankanum okkar og notaðu þær í þínum eigin færslum.

Miðlar Norðurlandaráðs

Myndabanki Norðurlandaráðs

Hagnýtar leiðbeiningar

Birting mynda af viðburðinum er frábær leið til að vekja athygli og skapa áhuga. Myndir frá fundum, umræðum eða samverustund með öðrum þinggestum virka persónulegar. Í stuttu máli:

Birtu endilega myndir frá umræðum, fundum og viðburðum.
Deildu opinberum færslum og fréttum Norðurlandaráðs til þess að auka útbreiðslu þeirra.
Merktu samfélagsmiðla Norðurlandaráðs í færslum þínum til að auka útbreiðslu þeirra.

Opinber myllumerki

Notaðu alltaf opinber myllumerki (hashtags) til að tryggja samræmda ásýnd og ná meiri útbreiðslu.

#nrsession

#nrpol

#nordiskarådet

Hugmyndir

Hugleiðingar um yfirstandandi umræður á dagskrá þingsins

Hugleiðingar þínar um það sem rætt er á þinginu og efnið Samstíga Norðurlönd – norrænt notagildi og samheldni á ólgutímum.

Málefni sem eru efst á baugi í nefndunum

Þú getur bent á umfjöllunarefni nefndanna sem þú telur sérstaklega mikilvæg.

Myndir frá fundum og með öðrum þinggestum

Birtu myndir frá fundum eða samverustund með öðrum þinggestum.

Stutt myndskeið

Stutt myndskeið (30 sekúndur að hámarki) virka best á samfélagsmiðlum og vekja strax athygli.

Merktu Norðurlandaráð

Mundu að merkja samfélagsmiðla Norðurlandaráðs til að auka dreifingu og sýnileika færslu þinnar.

Vefsíða þingsins

Á vefsíðu þingsins eru hagnýtar upplýsingar, fréttir, streymi og dagskrá þingsins. https://www.norden.org/sv/nordiska-radets-temasession-2026

Segðu frá upplifun þinni

Sem sendiherra fyrir Norðurlandaráð skaltu endilega birta þínar myndir og myndskeið frá þinginu á Instagram og öðrum samfélagsmiðlum. Atvinnuljósmyndarar munu einnig taka myndir meðan á þinginu stendur og þær má nota án endurgjalds (ekki í atvinnuskyni) að því gefnu að ljósmyndarans sé getið (NN/norden.org).

Hægt verður að nálgast myndir á slóðinni: https://public.skyfish.com/p/nordisksamarbejde/2661360