Bankareikningur í Danmörku

Bankkonto i Danmark
Hér geturðu lesið um þau skilyrði sem þú þarft að uppfylla til þess að geta stofnað bankareikning og tekið bankalán í Danmörku.

Stofnun bankareiknings

Allir sem eru skráðir í þjóðskrá í Danmörku eða fá greidd laun í Danmörku eiga rétt á að stofna bankareikning í dönskum banka. Það á einnig við um þau sem eru löglega búsett í ESB- eða EES-ríki.

Banka er þó heimilt að synja beiðni um stofnun bankareiknings. Þá á við ef

  • neytandi getur ekki sýnt fram á raunverulega ástæðu fyrir því að stofna reikning;
  • neytandinn á fyrir reikning í Danmörku sem hægt er að nota í tengslum við þá þjónustu sem fjallað er um í 9. grein nema neytandinn lýsi því yfir að hann hafi fengið tilkynningu um að þeim reikningi verði lokað;
  • neytandinn hafi gerst brotlegur við lög í viðskiptum sínum við peningastofnunina og peningastofnunin vilji koma í veg fyrir að neytandinn misnoti rétt sinn til þess að vera með aðgang að reikningi eða;
  • framferði neytandans hafi verið hneykslanlegt eða öðrum viðskiptavinum eða starfsfólki bankans til ama.

Greiðslukort og lán

Bönkum er í sjálfsvald sett hvort þeir gefa út greiðslukort og veita lán. Því er mikilvægt að ræða við bankann um þá kosti sem eru í boði.

NemKonto

Allir íbúar Danmerkur þurfa að vera með svokallaðan „NemKonto“.

Það er venjulegur bankareikningur sem opinber yfirvöld og ákveðin fyrirtæki nota til þess að greiða þér peninga.

Það geta verið barnabætur, ellilífeyrir, framfærslubætur frá hinu opinbera og ofgreiddur skattur.

Þú þarft að upplýsa bankann þinn um hvaða reikning skuli nota sem NemKonto.

Spurning til Info Norden

Ef þú ert með spurningu skaltu fylla út eyðublaðið hérna:

ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.

Info Norden er upplýsingaþjónusta Norrænu ráðherranefndarinnar. Við gefum upplýsingar til fólks sem vill flytja, vinna, stunda nám, leita styrkjum eða hefja rekstur í öðru norrænu landi.
Leitaðu að skrifstofu Info Norden hérna