Norræna áætlunin um loftslag og loftgæði

Ljósmyndari
Karin Beate Nøsterud/norden.org
Oft liggja sömu ástæður að baki loftslagsbreytingum og loftmengun en hvort tveggja stafar að mestu af jarðefnaeldsneyti og eldsneytisbrennslu. Þrátt fyrir að meirihluti losunar eigi sér stað utan Norðurlanda hafa löndin tækifæri til að ganga á undan með góðu fordæmi. Með því að auka umfang aðgerða sem stuðla að kolefnishlutleysi og auknum loftgæðum geta þau haft veruleg áhrif heima fyrir og á heimsvísu. Aðgerðir þar sem tekist er á við loftslagsbreytingar og lofmengun af þeirra völdum fara saman.
Nýjustu uppfærslur og samskiptaupplýsingar

Norrænt samstarf hefur um árabil lagt til öflugan þekkingargrunn til að styðja ákvarðanatöku sem gerir Norðurlöndin leiðandi á sviði loftslagsmála og loftgæða. Fyrsti alþjóðasáttmálinn þar sem tekið var á loftmengun átti til dæmis rætur í norrænum rannsóknum og milliríkjasamskipta.

Norræna áætlunin um loftslag og loftgæði byggir á þessu, greiðir fyrir áframhaldandi samstarfi og eykur þekkingu sem mildar skaðleg áhrif loftlagsbreytinga og loftmengunar. Hún greiðir götu landsbundinna verkefna um loftslag og loftgæði og styður við umskipti í átt að kolefnishlutleysi, í samræmi við Parísarsamkomulagið og loftgæðasamning UNECE.

Áherslusvið

- Styður norræn markmið um loftgæði og loftslagsbreytingar og eflingu þróunar alþjóðlegra aðgerða á þessum sviðum.

- Stuðlar að grænum umskiptum í atvinnugreinum þar sem losun er mikil.

- Styrkir norræna seiglu í umhverfis- og loftslagsmálum sem lið í stærra markmiði um að auka seiglu samfélaganna.

- Í áætluninni er stefnt að því að gera öllum aðilum samfélagsins kleift að leggja sitt af mörkum og eiga þess kost á að taka þátt í umskiptum í samræmi við meginregluna um að enginn skuli skilinn eftir.  

Tengiliður
Hvernig getum við aðstoðað þig?

Tengt efni